不少人都會經歷過遺失身份證明文件，只須在14天內到警署報失或到人事登記辦事處報失並申請補領新證便可。不過今次這兩位苦主就無咁好彩，只是遺失身分證、身份證副本，卻惹來一身禍，仲慘變成罪犯被關在拘留所48小時。求助無門之下，兩位苦主決定向《東張西望》求助。
============
同場加映：
【家居達人】專家教你如何檢驗二手車(上)！ 驗咩位置最重要？點分辨事故車？
============
《東張西望》曾經報導過不少遺失身份證後被盜用的案例，好似盜用證件借錢、搵工及結婚等等。今次的兩位苦主因遺失身份證明文件，竟被變成「罪犯」。
苦主一：申請公屋手續期間 遺失失身份證明文件
第一位苦主，化名陳先生，今年6月辦理申請公屋手續後，在商場的洗手間遺失身份證副本、駕駛執照影印本、地址證明影印本及的士行車證影印本等文件。隨即向巡邏警員備案，陳先生說：「佢（警察）話好平常，唔使咁緊張要去差館備案，『唔通拎住你幾張嘢去銀行借到一百幾十萬咩？』」聽到警察提供的意見都不以為然，殊不知衰事接蹱而來。
8月收大量欠款通知書
今年8月開始，陳先生收到大量政府信件，當中包括隧道通行的收費單及欠款通知書等等，而且數量更愈來愈多，每天都會收到一大疊（共80多張）。「全部帳單登記嘅車都唔係我，係用我個名登記，但唔同車牌，我又冇買過車，又冇幫人申請過任何車輛登記嘅嘢！」陳先生懷疑有人利用他的身份證登記車牌，於是去運輸署要求取消罰款，再去警署備案，才發現他名下登記的車輛已經有五架之多。
9月警察上門拉人
被三至四名自稱中區反黑組的便裝警察上門拉人，表示陳先生涉嫌與一單中環金融公司的刑事毀壞案有關，由於當時犯人犯案後逃走的車輛是由陳先生名字登記，所以上門拘捕。陳先生轉述警方指雖然已經備案，但由於他所登記的車輛仍然在行駛，有罪案就自然跟陳先生拉上關係。「屋企人睇住又搜屋又搞到我屋企人，又要落手扣，對我嚟講好侮辱，我都願意跟佢哋返去協助調查，身分證都喺晒你哋度。仲要落手扣帶我返去，人哋見到唔知我做咗啲咩？對我同屋企人心理造成好大影響。」到警署後，由於陳先生有不在場證據，所以獲保釋離開，當時警方表示，他名下登記的車輛已由5架增至7架，陳先生後來出聲明要求運輸署凍結個人資料，不再讓人盜用他的資料登記新車牌，不過原有的7架車輛則仍然無法改變。
10月涉嫌與斬人案有關
早前新聞都有報導有關一宗南亞人斬人案，涉犯案後逃離現場的案件，而逃離現場的車輛又是陳先生名字登記。由於案情嚴重，今次不准保釋，被困在中區警署羈留所48小時。陳先生回想：「當時半夜都有其他兩、三個犯人，面目猙獰，我個心都有啲寒嘅感覺，而且好孤立無援，叫天不應叫地不聞。就算當時夏天，我冚住張氈都覺得好凍...困足兩日真係好無奈。」
就事件《東張西望》找來中國香港汽車會永遠榮譽會長的李耀培博士，詢問有何方法可以幫到陳先生。
李耀培博士表示，「喺現行制度之下，揸住事主嘅身份證副本及簽名就可以出牌或者過戶嘅都係代理人或者車行代理人。所以要追查嘅話，絕對有迹可尋。」
李耀培博士再表示，「新車行或二手車代理行，有一啲代理人身份嘅證明，可以攞車主副本幫佢哋出牌，如果代理人攞咗任何一個人嘅身份證影印本，運輸署最後都會有一個代理人身份，先可以做到。」
李耀培博士說，其實警方與運輸署應互相協調：「佢（陳先生）可以去運輸署查察代理人身份，究竟邊個幫佢去申請。如果要一個市民做晒兩邊嘅調查及註銷，手續係相當繁複。運輸署及警方知道陳生嘅情況，雙方係咪可以做一個協調。運輸署要交出呢幾個代理人身份給警方，從而令警方將呢啲涉案車輛扣留一段時間，自然便會註銷，咁樣對苦主比較公平。」
苦主二：被盜身份開銀行戶口，被拘捕更成通緝犯
遺失身份證明文件，而惹來一身螞的不只陳先生一人。第二位苦主李先生，去年7月遺失身份證，已立即去警署報失，之後發現被盜用身份去借錢，而且更被拘捕共三次。過關北上時更慘變通緝犯，被送到羈留所。多個月來去過荃灣、 尖沙咀、打鼓嶺、深水埗、長沙灣及將軍澳警署，令他苦不堪言，共錄了6次口供，最長被拘留達30小時。
1月發現被盜用身份借錢
發現被盜用身份去借「財仔」，報警後財務公司不需他償還貸款。
6月銀行開戶口涉嫌行騙
被拘捕共三次，落了六次口供，原因同是被盜用身份開銀行戶口並涉嫌行騙，拘留了九小時。
9月變通緝犯
在羅湖過關到內地時，才知自己變成通緝犯，被拘捕後送到打鼓嶺警署後再到深水埗警署，因為跟進警察不在，又被送到長沙灣警署，在羈留所渡過一晚。事後才得知與涉及網上情緣騙案有關。
11月涉及投資騙案
因為涉及投資騙案高達25萬港元，李先生在同一個月內被拘捕三次。「警方質疑我係咪無辜？！我不斷解釋，話之前尖沙咀已經放咗我，話呢個唔係我銀行戶口。你哋（警方）可以聯絡尖沙咀區同事。」
李先生更無奈的說：「將軍澳警署畀咗銀行戶口交貿紀錄我睇，有接近30個人名，入過錢落呢個戶口。而家只係拉咗3單，係咪仲有廿幾三十單等緊我呢？」續說：「如果每次都要去唔同警署報到，下次係長洲又點算呢？每次都會收我一次電話，又要交保釋金，接落嚟如果仲有廿幾次的話，對我嚟講絕對係一個負擔。。」
最後《東張西望》表示，截稿之前收到消息指李先生接獲警方通知，會綜合所有可疑銀行戶口，將所有案件會一併調查。至於陳先生的個案，到節目播出時，警方以及運輸署都沒有任何跟進消息。
text/ Minna
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓《社群狂歡大激賞》↓
↓送香港迪士尼樂園1日標準門票60張！↓
