雙糧是努力工作一年的成果，唔少打算轉工的打工仔，都會等公司派完年終花紅才遞信辭職！早前就有打工仔在討論區發帖，稱公司同事「出bonus見到過咗數即刻辭職」，他指責對方「真係一見到入咗數就遞 一刻都冇delay」，並形容這種辭職方式實在「好難睇」。帖文引發網友熱議，但不少人認為該同事做法無問題，紛紛留言表示「明買明賣」、「攞返自己應得嗰份點解有問題」、「大把人係咁」。
有打工仔在LIHKG討論區以「出bonus 同事見到過咗數即刻辭職」為題發帖，他在文中提到，「嗰朝見佢（公司同事）話出咗bonus，話等咗好耐，原來係要走，做到咁明顯會唔會有手尾？」指當時同事一收到花紅後，便馬上遞信辭職，他直言「未見過咁撚癲 真係一見到入咗數就遞 一刻都冇delay 其他人反應：下...」，並形容這種辭職方式實在「好難睇」，批評該名同事「打工就唔應該係咁，過一排先辭唔好整臭自己個朵」。
帖文一出，隨即在網上引起關注，但不少人認為雙糧是過去一年努力工作的成果，「明買明賣」、「真正憑自己實力拎返黎 有咩唔啱？」、「會有咩手尾, 出糧係應分, 辭職個人決定」、「攞返自己應得嗰份點解有問題」，紛紛力挺該名同事只是拿回自己應得的福利，其做法並無不妥。有部分網友反駁樓主，指打工仔打工都是為了賺錢，「邊到高人工咪跳」、「唔講金唔通講心」 、「整臭自己個朵？好高職位架咩？」紛紛笑稱「你做慣黎生先覺得有問題姐」、「依家簽終身奴隸合約咩」、「正常應該免費幫公司做一年義工報答 有無叫佢跪低道歉？」
不過也有網友留言詢問「認真問 花紅可唔可收返」，獲其他網友回覆花紅要視乎合約而定，「有啲公司列明你即走就會扣返你」、「睇contract, 有公司會按比例叫你賠返，好XX的」。據勞工處網站顯示，按照第57章《僱傭條例》沒有明文規定僱主必須發放年終酬金（包括雙糧、花紅），能否享有年終酬金須視乎僱主及僱員的協議。若僱傭合約上有列明會發放年終酬金，僱員在離職後仍然會收到，否則僱員在酬金期完結前辭職，則不會取得年終酬金。
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
