TVB台慶劇《新聞女王》幾位女主角獲讚演技出色，除了佘詩曼之外，李施嬅報道新聞的主播腔亦獲讚似模似樣。李施嬅接受傳媒訪問時曾經就透露，今次拍這部劇集，飾演一名主播對她來說非常大挑戰。因此她亦參考了TVB新聞部的同事，其中她就是向女主播黃曉瑩「偷師」學習，從新聞片段中學習了她的腔調、抑揚頓挫等等技巧。
日前一集，李施嬅飾演的張家妍展示了超強英語實力，以英國口音及英語主播Tone就英國首相秘密請辭傳聞向現任內閣大臣秘書求證，簡單一句「Today’s big question,is the prime minister stepping down?」，令人一度錯覺以為李施嬅本身專業就是英語主播。
之前李施嬅在《金宵大廈2》中晒60年代英國口音已大獲好評，當時李施嬅披露背後請了專人訓練；今次該名專人再度出手為施嬅進行特訓，雖然今次都是英國口音，但卻因年代差異致發音有所不同。
李施嬅透露：「《金宵2》醫生講嘅英文係六十年代英國口音，所以會傳統啲同有皇室少少嘅感覺，但今時今日嘅英國口音已經Casual咗。我英國嘅Dialect Coach（方言教練）英國、美國、法國口音都識，佢好好，每次同我上堂都係逐個音幫我執，希望令我真係似喺嗰度（英國）長大嘅人。」
被問到為何要英國口音，李施嬅表示一切只為還原張家妍角色的背景：「因為監製同我講張家妍係英國讀書回流返香港，所以佢嘅英文絕對要用英國口音。」
對於廣東話及英語主播Tone都能應付自如，李施嬅謙稱就是要盡力做好功課和背熟所有主播稿：「主播腔我真係練咗好多好多好多次，幾百次甚至一千次，由節奏、音樂感、速度到咬字等，總之我一有時間就係咁練係咁練，每日一有Break或唔使開工就會攞啲主播稿出嚟練。因為啲稿我要背好晒，我先可以做到戲，先可以專注模仿主播聲音、表情同形態。雖然壓力大，但我覺得係必須要做到。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
