新聞女王何沛珈｜TVB台慶劇《新聞女王》最近劇情講到排球隊性侵事件，事件主角萬華排球隊隊長「廖子珊」由東張女神何沛珈（Roxanne）飾演，演戲經驗尚淺的她今次首次挑戰性侵戲份，在浴室沖涼的時候僅圍着一條白色浴巾，濕着頭髮慘被教練藉着捽藥酒為名非禮。作為演戲初哥的何沛珈入行時間僅三年，劇中將楚楚可憐、惴惴不安的情緒發揮得恰到好處，淚眼汪汪的表情亦令網民心痛，更獲大讚有演技潛能！
有「東張女神」之稱、兼是去年《香港小姐再競選》冠軍的何沛珈，之前憑《愛‧回家之開心速遞》的椅子舞Hit爆網，這次何沛珈在《新聞女王》中將再有突破性演出。何沛珈除了要挑戰喊戲及出浴戲，還要挑戰體育潛能飾演排球好手！何沛珈坦言很大挑戰，除拍攝前兩個月便開始練習，更練到一雙玉手滿是瘀痕。
何沛珈透露「呢啲瘀痕更加令我感受到作為專業運動員嘅艱辛，我好多謝拍攝之前有呢啲訓練，令我更加容易去了解角色。」至於出浴戲，何沛珈則坦誠是第一次，並笑言冇尷尬：「因為入咗戲就會覺得成個場得番我一個，而且我着咗肉色內衣褲去做好防走光措施，冇咁容易穿崩。」
何沛珈續指因為拍攝時間比較趕，要捱沖凍水涼：「因為當時未開暖水，我沖咗個凍水涼！不過現場同事非常好，準備咗熱水同埋乾毛巾畀我，好多謝佢哋嘅照顧！」
何沛珈今次亦是首度挑戰喊戲，她特別感激阿佘與李施嬅的幫助：「阿佘同施嬅都係我非常喜歡嘅演員，阿佘更加係我一直嘅偶像！嗰場喊戲係我第一場戲，仲要同阿佘、施嬅兩位前輩同場，心情都比較緊張，佢哋兩個都好好，提我要放鬆投入個角色唔使諗對白，因為子珊已經喺我心入邊，感受吓個角色諗咩就得。」
何沛珈又透露喊戲場口不少，故事前也擔心自己能否勝任，幸好全程得到監製及導演信任：「佳導話佢相信我可以做到，我好感激佢嘅信任同鼓勵。」
何沛珈面對兩大好戲前輩「夾擊」表現絕不失禮，尤其含淚食三文治內心滿是掙扎、以及對著鏡頭一幕長達兩分半鐘的獨白戲，更一次過演繹了自嘲、自責、憤怒、委屈、倔強等多重情緒，演技贏盡好評，除被指以新人來說交到功課，更被睇好問鼎今年女飛躍獎！
何沛珈昨晚在IG開Live時亦有談及該幕拍攝感受：「我好怕剖白嗰場戲，拍咗四個take。我第一次拍呢啲咁有情緒嘅戲，拍完時個心都平復唔到，翕住翕住咁。跟住夜晚去咗跑步，跑完就好返！」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
