Twins一口氣連開12場演唱會！事隔9年，Twins明年1月再登紅館開演唱會慶祝成軍22年，門票一開售便火速售罄，日前宣布將於本周五（15日）再加開4場，Twins歌迷記得唔好錯過啦！不過最近有不法之徒網上發文，聲稱為其演唱會招聘保安、檢票員等職位。日前主辦單位重申，「從來沒有進行過任何職位的招聘，勸喻歌迷千萬不要受騙」。
Twins 22週年紅館演唱會反應熱烈，繼早前由6場加至8場，公開發售半個小時就火速售罄，日前主辦單位宣布再加開2月1日至4日的4場演出，門票將於本周五（15日）經城市售票網公開發售。得知今次演唱會再次加場，蔡卓妍（阿Sa）笑稱「真係救到我燃眉之急」，又表示連自己也搶不到門票，幸好現在再加4場演唱會，「之前我重用自己的飛行里數去換番自己演唱會啲飛，換完都係唔夠，幫唔晒朋友訂」、「希望大家都可以真係一齊入到來，同我哋一齊共渡到22週年，呢個咁值得紀念日子。」
而鍾欣潼（阿嬌）就坦言，「聽到再加場，有愕然，又有驚喜，又覺得係一個突破。做咁多場 ，係自己體能上都有少少擔心㗎，但會盡全力去做！已經開始戒緊肉，剩係食菜呀，海鮮咁，因為只食齋又怕唔夠營養，記緊歌詞排緊舞啦。」
對於今次演唱會打破Twins以往紀錄，阿Sa則表示，「唔好講咩紀錄啦，我剩係會諗，襯行得走得，做到咪做多幾場囉，再老啲唔知自己頂唔頂到啦嘛，做到就做囉, 哈哈哈....我就兩個月前已經開始管理自己啦，已經食緊健康餐，同埋練體能，依家瘦左好多呀，咁唔可以剩係瘦，因為都要體力，所以不停有做運動增肌肉囉。本來唱8場，我同阿嬌話，不如一氣呵成啦，唔駛停唱晒佢，免得好似蝕左度氣咁嘛，但係依家12場，中間就會有休息日啦，都要休一休再做，應該狀態會好啲。 」
此外，主辦單位發現最近有不法之徒於社交網上開post ，指Twins演唱會招聘保安、檢票員等職位。演唱會總監馮貽柏表示，從來沒有進行過任何職位的招聘，勸喻歌迷千萬不要受騙，把自己的私人資料或電話等給予這些網站，小心保障個人利益。
港生活人氣本地熱話
【免費試用🎁】RMK零毛孔素肌底妝系列！
↓☀️夏日必備防曬霜 x 皇牌輕透粉底液！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
