美國旅遊指南公布2024全球9大「避訪景點」 蘇梅島下龍灣上榜 點解唔好去富士山？

============
同場加映：
【家居達人】滅蟲專家教路！拆解全港床蝨危機 床蝨緊急處理步驟、蒸氣機滋生其他蟲？有貓狗點算？

============

美國旅遊指南《福多爾旅行》（Fodor's Travel）呼籲全球遊客，在規劃2024年旅遊計畫時，可避免到呢9個地方，究竟原因係乜嘢呢？

1.日本富士山：人滿為患兼多垃圾
全球唔少遊客都夢想可以一登富十山，根據日本環境省公布嘅數據，今年登山季共逾22萬人登上富士山，四條登山路線中，以山梨線的「吉田路線」人數最多，逾13萬。但《福多爾旅行》指出，唔少遊客完全無意識到攀登海拔3,776公呎富士山嘅風險，導致山頂人滿為患，亦讓自己置身於危險中。同時不少登山客不願支付1,000日圓（約55港元）嘅環境保護費用，留下大量垃圾，甚至裝滿尿液嘅塑膠瓶，結果只能依賴義工清理，希望日後計劃登上富士山嘅旅客注意。

2.泰國蘇梅島：淡水短缺
蘇梅島（Koh Samui）被淡水短缺問題困擾近一年，隨著遊客不斷湧入，消耗咗當地高達70%嘅水資源，嚴重加劇咗該島淡水短缺問題。

3.越南下龍灣：污染嚴重
下龍灣（Ha Long Bay）唔單止吸引旅客嚟觀光，並會進行如浮潛、水上活動及釣魚等活動，但旅客過多導致當地垃圾問題更加嚴重，而旅遊船隻及漁業活動亦令該水域充滿垃圾與柴油，令該地區嘅自然生態面臨難以承受嘅污染。

4.印度恆河：流量減少
印度恆河（Ganges River）被印度人民視為生命泉源，但多年來一直面對流量減少、垃圾污染、淡水海豚瀕危等問題，近年隨著新興的豪華郵輪產業，令呢啲問題更加惡化。

5.意大利威尼斯：沉沒危機
面對長期淹水及沉沒危機嘅威尼斯（Venice），不斷增加嘅旅客持續破壞當地環境及影響居民生活。為咗減少遊客人潮，明年4月底至7月中旬將推出「一日遊」措施，向14歲以上遊客收取5歐元（約42港元）入城費，但普遍被認為未必能有效減少遊客。

6.智利阿塔卡瑪沙漠：沙漠變垃圾場
原來智利係南美洲最大舊衣進口國，每年接收量高達6萬噸，但有不法商人喺挑出可轉售衣物後，將多達85%嘅剩餘廢布料，丟喺阿塔卡瑪沙漠（Atacama Desert），令呢度成為咗垃圾場，其中一處面積大到連太空衛星都能睇到。

7.希臘雅典：遊客太多破壞環境
雅典衛城（Acropolis of Athens）嘅熱門景點每日平均有約1.7萬人次造訪，過度旅遊同缺乏管理計劃，對當地環境造成破壞，並導致附近社區逐漸失去傳統生活方式。當地政府今年9月起實施新規定，指定「遊客區」每日遊客上限2萬人，而且入場時間必須分散。

8.美國加州聖蓋博山國家紀念區：胡亂塗鴉
美國加州聖蓋博山國家紀念區（San Gabriel Mountains National Monument）係洛杉磯郡的「天然綠洲」，不過由於遊客太多並缺乏環保意識，到處亂丟垃圾，而且更胡亂塗鴉紀念碑，對當地環境造成大量破壞。

9.美加交界蘇必略湖：生態危機
美加交界的蘇必略湖（Lake Superior）位處美國與加拿大邊境，係地球上最大淡水湖。但由於旅客過多，當地生態面臨多種危害，包括物種入侵、藻類快速繁殖、魚類食用警告等威脅，尤其密歇根州上半島（Upper Peninsula of Michigan）更為嚴重。

text/Joyce
photo/HKET圖片庫、網上圖片