記得以前行行吓街忽然人有三急嘅話，如果附近無商場嘅話，好大機會都要幫襯公廁……但係公廁嘅環境同氣味……嘩，諗起都有啲驚……但近年公廁嘅質素大大提升，原來係因為政府撥款6億元，推行優化公廁翻新計劃，而且已經踏入第3年，究竟有幾多公廁完成咗優化工程呢？下一步，原來食環署仲會喺更多公廁測試智能系統，究竟又係邊11個公廁呢？
============
同場加映：
【家居達人】滅蟲專家教路！拆解全港床蝨危機 床蝨緊急處理步驟、蒸氣機滋生其他蟲？有貓狗點算？
============
2019年度政府撥款6億元，希望喺五年內分階段翻新或優化食環署轄下約240所公廁，及至去年施政報告要求加快翻新公廁，令五年計劃嘅總數增至250所。截至今年10月，已有250多所公廁展開全面翻新或優化工程，約130所公廁更已完成了相關工程。該署決定引入「組裝合成」建築法及「裝配式建築」等方法，特別係位處鄉郊嘅公廁，以縮短公廁翻新及優化時間，例如龍躍徑公廁，就係首個應用「組裝合成」建築法嘅公廁；至於荔枝窩智環保公廁，就係一個結合「組裝合成」建築法及「智能公廁系統」嘅公廁；而市區嘅永樂街公廁，就應用咗「裝配式建築」方法興建。
目標是在2024至2028年間陸續為全港餘下約430所尚待全面翻新或優化嘅公廁開展相關工程，全面翻新或優化工程後，公廁均會設置或更換自動感應式水龍頭及梘液機、感應式沖廁設備、防水電源插座、設有時間計嘅乾地吹風機及風扇等設施，以及盡量喺公廁外找尋合適地方加裝飲水機。
截至今年10月，已有250多所公廁展開全面翻新或優化工程。
白石角公廁早前喺香港廁所協會嘅「2023香港最佳公廁選舉」中獲得金獎。
公廁嘅優化工程，除咗改善室內環境，仲包括盡量喺公廁外找尋合適地方加裝飲水機。
再多11個公廁安裝智能公廁系統
另一方面，食環署亦致力研究應用科技以改善公廁衞生情況及提升服務，喺2021年5月起在尖沙咀東公共運輸交匯處公廁及灣仔修頓中心公廁試行「智能公廁系統」，設施包括實時顯示公廁內使用情況嘅「液晶顯示屏」，可用廁格指示燈 （即廁格門上燈為綠色表示可用，紅色表示已被佔用），環境參數與氣味監測系統等。食環署與機電署繼續檢討及改善智能公廁系統，已計劃喺另外11個不同地區、規模及使用率嘅公廁安裝有關系統作進一步測試。該11所公廁是昂平路公廁、梅窩碼頭公廁、元朗落馬洲公共交通交匯處公廁、元朗坑尾村公廁、觀塘鯉魚門（嶺南新村）公廁、觀塘道公共運輸交匯處公廁、大埔泥涌公共運輸交匯處公廁、九龍城機利士南路公廁、屯門紫田村公廁、元朗大棠谷公廁及沙田小瀝源村公廁。
食環署嚟緊會喺多11個公廁安裝智能公廁系統。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
