新聞女王車婉婉｜TVB台慶劇《新聞女王》最新講到「華姐」車婉婉強勢回歸爭做SNK一姐，一出場句句窒住佘詩曼，經已霸氣盡露。而在二人正面交鋒同場互鬥的一場對戲，雖然短，但已經火花四濺，眼神交鋒，笑裏藏刀，各有各殺氣，獲不少網民大讚「眼神全是戲」。而劇情道預告華姐重返SNK其實另有目的，臨走前更交低了一樣重要物件，成為佐治攻擊Man姐的最強武器。
昨（13日）晚焦點落在車婉婉客串飾演的SNK News前台柱主播華姐身上。之前以Man姐手下敗將身份閃現回憶片段的華姐，昨晚獲方太（龔慈恩飾）欽點回歸SNK News免Man姐一人獨大；而華姐亦似乎對SNK News副總監一職虎視眈眈，誓要與Man姐一爭長短。以勝利者姿態回歸的華姐，一出場即霸氣盡現，眼見PM（吳業坤飾）遲到，華姐一輪嘴訓示：「做新聞準時已經係遲到，係要早到做好準備功夫，你遲到仲大模斯樣彈入嚟咩態度？」、「小姐都唔識得稱呼一句？依家新聞嘅水平真係跌到落谷底」、「做新聞唔容許唔小心，我哋追求Precision！精！準！」
之後華姐與Man姐正式交鋒，二人先以凌厲眼神及饒有深意笑容過招，等到正式開會時華姐才真正「嚟料」：「阿Man呀，我哋呢啲Old School人，用慣紙同筆架，同我印個Hard Copy吖，A3喎」、「地皮呢啲有乜好報？新聞依家點解唔好睇呀？因為缺乏國際視野」、「佢哋（觀眾）要乜我哋就畀乜咩？做雞呀依家？我哋係新聞工作者我哋負責帶領觀眾、教育觀眾嘅。」當華姐說到「做雞呀依家」，一直在旁食花生的飛爺（鄧智堅飾）及佐治（馬國明飾）即時九秒九對望再忍笑，飛爺更笑到要大力抿嘴唇死忍，相當抵死！而華姐要求Rundown要A3 Size上亦掀起不少熱議。
車婉婉一出場即贏盡好評，網民大讚她飾演的華姐霸氣非凡、拍得上Man姐，加上對白句句啜核精警，令網民看得過癮：「車婉婉氣場好勁，華姐呢個角色好啱佢」、「華姐好正，好搞笑」、「戰地記者嗰幕好得，好似記者。」對於網民角給予色正評，車婉婉感激大家支持及欣賞，她笑言沒有刻意為角色經營氣場，只是順著感覺及監製佳導指示去演。
談到與阿佘合作，車婉婉坦言過程非常享受：「阿佘好戲呀，一路都好期待同佢合作，雖然今次同佢唔係合作好多場戲，但每一場都好濃郁，所以我每一日開工都好期待。同阿佘演戲過程非常享受，因為大家之間交流得好好，真係好開心好開心。所以今次演出雖然唔係好多集數，但好難忘。」
華姐劇中主要Function除了對Man姐造成威脅，也有不少搞笑位；由於角色太過時，華姐與必須與時並進的新聞部顯得格格不入，不但不會用腳踏提詞機，就連開聲大法也「懷舊」過人，淪為同事笑柄。該幕奇異開聲大法，原來是車婉婉的「神來之筆」，她說：「係我自己加落去，因為我臨場覺得咁樣加應該會幾好睇，反正嗰場戲都係話我個角色過時，加呢啲小動作可能令角色再豐富啲。」
車婉婉又笑言Man姐那句「以為自己開Concert」，也是相應她的設計加進對白中，足見《新聞女王》甚有Teamwork，車婉婉說：「其實場戲係分開拍，我拍咗先，佢哋睇住我拍咗乜再相應回應番。」
今（14日）晚一集除了會揭開華姐重返SNK News的真正目的，華姐與Man姐的惡鬥亦因華姐被Man姐找到致命弱點而告一段落…華姐臨走前，將一重要物件交予佐治，相關物件將會成為佐治日後攻擊 Man姐的最強武器！到底昨晚一集開始已四面楚歌的Man姐，之後集數會遇上危機...
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
