對於間中要走入廚房下廚的朋友仔，最好梗係可以又快又靚就搞掂啦，$12店最近推出了一些廚房煮食用具小幫手，不只是煮嘢食，還有一些廚房好用小物，好似快切牛油、秒速搣橙等，仲可以整到一份好靚嘅法式奄列。
============
同場加映：
【家居達人】專業收納師出手！教你點樣清潔整理辦公室工作枱
============
1.整洞洞芝士
鋪上芝士焗麵包，好多時都會過分融化至包邊滲滿芝士，呢款小工具可以先在芝士上壓好洞洞，仲有兩款圖案選擇，芝士就無咁容易融晒，焗出靚靚賣相多士。
2.三用好物
呢款3用好物真心推介，首先可以在匙羮位置磨薑蓉，羮的底部位置又可以用來按壓食物，方便整蛋沙律之類食物，最後附有的小瓶更可以用來作醬料瓶，非常實用。
3.快整蔥絲
打邊爐又或者煮個靚麵食，加蔥似乎是指定動作，但懶人又怎會咁細心慢慢切絲﹗呢件用具就幫到手，無需技術，只要放在京蔥尾部位置向下不斷拉就會秒速整到超多蔥絲。
4.新鮮神器
蘿蔔、青瓜、洋蔥等等食材有時未必可以一次就用完，想切完後都可以保持新鮮，但又想環保唔用保鮮紙，呢個神器就可以幫到手，而且可以重覆使用，更有不同尺寸選擇。
5.兩步搣橙
試用完這個搣橙器之後真係不能回頭，超輕鬆就已經可以搣開橙皮，然後1秒就切開橙肉掀走果層膜，好快就可以食到啖啖橙肉。
6.切牛油粒
絕對是懶人恩物，尤其是要大量使用牛油時就好方便，只需單手就可以切好一粒粒牛油。
7.搣蛋殼神器
放入煮好的雞蛋，然後左右搖動大概3秒，已經可以好輕易就搣走蛋殼，仲可以保持雞蛋超完整！
8.空氣感奄列小物
先倒入蛋白，然後不斷按壓，營造出泡泡蛋白，跟住再加入蛋黃重覆動作，倒入平底鑊用慢火煎3分鐘，就煮好一份法式空氣感奄列。
text/Stephanie
photo/Ken
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
