正所謂投資有賺就有蝕，特別是加密貨幣市場大起大落，稍一不慎分分鐘負債過百萬！近日有人在網上以「三十未到，欠債百萬，應該點做？」為題發帖，指自己因為大洗、投資加密幣又有虧損，加上公司裁員失業，月薪更由6萬減到現在只有一萬多，完全供不起貸款，但他又不想申請破產，於是發帖向網友請教將債務「分十年八年去還」的方法！
樓主在文中提到，指自己有本金連息一百多萬元的債務，「銀行+財務P LOAN+信用卡十二條，絕大部分都供/用咗超過兩年或以上」，加上他原本月入6萬，雖然開支較大有些吃力，但還算供得起來。
但無奈的是，由於他所持有的加密貨幣虧損，又遭遇公司裁員失業，現在雖然找到新工作，但收入卻大不如前，人工大降至每月只有一萬多，「現在所有貸款已經最少疊兩期/已交收數，根本現在收入完全供唔掂。」
身邊很多人都建議他「申請破產一了百了」，但樓主直言不想申請破產，「我心有不甘，唔想因為咁而破產留下一個印記，始終破產呢個紀錄會令有唔少事情做唔到」。樓主表示，見到有人說可與債主協商還款方案，將債務攤開來還「長命債」，也有一些銀行能提供「本金+比較低息分十年八年去還」，並向網友們請教「請問有冇師兄/有相關經驗的朋友可以分享做法」、「另外請有下G記交咗收數之後會點？」
帖文引發網友熱議，不過大多數人認為「長痛不如短痛」，以樓主目前情況而言應該很難獲得債主通融，勸喻樓主還是盡快申請破產方為良策，「最後拖下拖下還不起，浪費了十多年時間，結果都係老破」、「過百萬數搵果萬幾蚊仲想逞英雄？」、「10幾年，到時捱唔住咪又係破」、「即破，唔好浪費時間」。
另外亦有網友見樓主堅拒申請破產後，則建議他不妨考慮向二線財務公司借錢，「有啲專做清數嘅二線公司，你可以睇下岩唔岩用， 有D公司可以接受到爆數又計得掂，可以幫你嘗試將啲期數拉長，但如果你做重組嘅話,喺重組期間你就唔可以用任何信貸產品，就同破產之後冇咩分別。」
據《投資者及理財教育委員會》網站顯示，當陷入財困時可採用申請破產的法律程序，由法院宣布你無力償還債務。在某些情況下，破產是解決財務困境的選擇之一，但你將受到多項限制，包括破產管理署署長將成為暫行受託人、不得購買高價商品（如住宅或汽車）、不得再申請貸款、公積金可能被用於償還債務等等，詳情如下：
來源：香港討論區、投資者及理財教育委員會
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
