港男All in買$188萬六合彩 稱中頭獎就派100萬?結果只中呢啲慘蝕數十萬

文: 黃樂恩
2023.12.21

上期六合彩頭獎獎金高達8,300萬元,雖然中頭獎機會率是千萬分之一,但仍有不少人會抱住「搏一搏」去投注!日前有港男於LIHKG討論區發帖,稱自己「All in」過百萬買六合彩,更明言中頭獎後會向10個「留名」的網民派10萬,並上傳了一張投注截圖。帖文一出,隨即吸引了大批網友關注和回應,當中有人質疑樓主根本沒有投注,但亦有不少熱心網友主動幫港男計算,發現他只中了1注二獎,計算三獎、四獎後仍慘蝕數十萬元,即入內文睇詳情啦!

從樓主上傳的截圖見到,他以$5半注形式,分別購買了4號、5號、6號、7號、11號、12號、13號、14號、18號、19號、20號、21號、25號、26號、27號、28號、32號、33號、34號、35號、39號、40號、41號、42號、46號、47號、48號、49號,最後共花費了$1,883,700購買複式28個字彩票。

該期六合彩已於本周二(19日)攪出,最終攪珠結果為4號、9號、13號、33號、35號、46號,特別號碼6號。頭獎1.5注中,每注(10元)派彩$61,757,860;二獎14.5注中,每注(10元)派彩$535,020;三獎264注中,每注(10元)派彩$78,360。

該帖文引來大批網友關注,短短一日已有過千個留言,有熱心網友主動幫樓主計算得獎金額,發現他最多只中了5個半字(即5個攪出號碼以及1個特別號碼),因此並未有中頭獎,只中了1注二獎,計算三獎、四獎後仍慘蝕數十萬元,「3獎係好X多注」、「咁樣買要188萬,未計四獎打後要輸65萬」、「馬會2獎係5個半字,即係要中6個字,佢得一注,3獎去到安慰獎,先至係每款中幾注」、「講真中到二獎已經執返身彩」。

但亦網友發現樓主帖文中所上載的截圖仍停留「預覽」階段,紛紛質疑他是否真的有購買,「當人傻?」、「無張買左嘅飛放上黎 講經咩」、「影張投注接納先講啦」、「計埋五六七獎有賺嘅,但樓主唔似有買」、「預覽飛,無俾錢」。

來源:LIHKG 討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓