聖誕、新年檔期必睇!Disney+ 全新煲劇睇戲推介 科幻/冒險/懸疑/超級英雄越睇越刺激

文: a.Ki
2023.12.21

今個聖誕新年長假期,Disney+ 已經準備咗一系列驚險刺激嘅荷里活猛片同人氣美劇,等大家可以安坐家中食住薯片雪糕嚟煲劇、睇戲,chill住過聖誕!事不宜遲,睇下有咩好戲同必睇美劇,立即mark入watchlist啦!

Marvel迷終於等到!Marvel Studios《無限可能:假如…?》第二季

Marvel迷等了又等,終於等到《無限可能:假如…?》第二季出爐!剛巧神劇《洛基》第二季結束,煲劇模式繼續起動!觀察者(The Watcher)會繼續同大家一齊穿梭無限想像的多元宇宙,將Marvel電影的經典場口反轉再反轉, 無論你係唔係Marvel迷都會睇到超肉緊!12月22日起,一連9集《無限可能:假如…?》第二季將於Disney+獨家上線,每日推出1集,保證大家日日都有驚喜!

荷里活重量級鉅製 《A.I.創世者》視覺特效超精彩

9月才在大銀幕上映的荷里活鉅製《A.I.創世者》,現已於Disney+ 獨家串流上線喇!電影由《俠盜一號︰星球大戰外傳》、《哥斯拉》導演Gareth Edwards執導,《天能》金球提名男星John David Washington及Marvel Studios《永恆族》陳靜(Gemma Chan)坐鎮演出,陣容非常鼎盛!故事背景設定於2065年,人類與A.I.之間的大戰一觸即發,連場視覺特技加刺激動作場面,令人安在家中都覺得血脈沸騰!《A.I.創世者》作為本年度至出色的科幻之作之一,自上映以來一直贏盡口碑,身為科幻迷、娛樂大片迷,你又點可以唔睇?早前錯過了在戲院觀看的話,現在立即到Disney+ 就可以欣賞到這部超級精彩又富反思空間的好戲!

全球賣座神級奪寶片王最終章 夏里遜福再施渾身解數

講到連場激鬥,又點可以冇佢份?講緊嘅就係傳奇英雄夏里遜福,由他飾演的考古學家鍾斯博士繼2008年後再度回歸,這次更聯同靚女契女海倫娜(菲比布烈治飾)一齊展開《奪寶奇兵之命運輪盤》歷險之旅,非常有睇頭!故事講述鍾斯博士年輕時曾在納粹手上奪得命運輪盤,分別引來好友女兒海倫娜和昔日敵人找上他,於是雙方由北非摩洛哥展開連場追逐,火車追逐、策馬奔馳、飛車大戰、深潛希臘神秘海底,甚至連戰機都出動埋,追勻海陸空!電影現已於Disney+ 獨家串流上線!

全球暢銷同名小說改編《波西傑克森》電影感十足

Disney+ 獨家原創劇集《波西傑克森》,一連6集逢星期三推出,第一、二集已率先於12月20日上線,陪大家歡渡聖誕兼新年!相信大家對這個媲美《哈利波特》的故事都不陌生,改編自全球暢銷同名小說、全新製作的《波西傑克森》不但電影感十足,更被譽為還原度極高,喜歡小說作品的書迷不能錯過!劇集將會帶大家一起穿越美洲,在任務拍檔安娜貝斯和格羅佛的幫助下歸還宙斯的閃電火,誓要阻止一場全面戰爭!而且,波西還會在這次旅程中搞清楚為何自己總是跟這個世界格格不入,你都想知?各位「波迷」快來跟波西一起踏上這趟旅程吧!

史上最長壽科幻劇集《超時空奇俠》原創特備節目

鍾意睇異時空或平行宇宙劇情片的話,堪稱「史上最長壽科幻劇集」、踏入60周年的《超時空奇俠》(Doctor Who)一定是你杯茶!Doctor Who是誰?Doctor Who是來自伽勒弗雷星球的時間管理者,乘坐時間旅行宇宙飛船來拯救地球人和地球文明。60年來,Doctor Who就像占士邦一樣換了一任又一任人選,最新於Disney+ 上線的《超時空奇俠》原創特備節目就由蘇格蘭演員David Tennant飾演第14任Doctor Who,而在此之前,David已經飾演過第10任博士,這次帶同時光機強勢回歸,不知道力量會不會倍增?頭3集《超時空奇俠》,包括《超時空奇俠︰星際異獸》、《超時空奇俠︰外星秘聞》及《超時空奇俠︰玩具師來襲》已於Disney+獨家上線,《超時空奇俠︰教堂孤兒》 亦即將要12月26日推出,各位地球上的觀眾,立即做好追劇準備,同Doctor Who一齊拯救地球啦!

追看性極高!盡情煲番碗《欲骨查》

聖誕、新年煲劇,梗係要集數多至煲得夠爽!經典推理懸疑美劇《欲骨查》第一至十二季全部集數已經於Disney+ 上線!故事講述法醫人類學家白節德與FBI特工布思理結合才智、科學及對真理之追求的精神,透過受害者的屍骨逐一偵破難解的案件,同時探討社會及人生道德問題,諸如科學與信仰衝突、少數族裔、次文化、性愛及戰爭等等。推理劇具備懸疑元素,追起上來已經勁過癮,《欲骨查》更加入神秘的法醫人類學及FBI題材,以及黑色幽默風格,離奇得來又不會離地,觀眾容易代入,自然令人更想追看,一於趁聖誕、新年假期盡情煲番碗《欲骨查》啦!

睇戲煲劇傳送門︰https://bit.ly/3tp3Vhs

info by Disney+

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓