新聞女王|何廣沛激減12公斤內地爆紅獲封「11點哥」情深暖男形象甜度超標冧爆佘詩曼

文: 羅志宏
2023.12.22

新聞女王何廣沛|台慶劇《新聞女王》明日(22日)一連兩小時播放大結局,昨晚(21日)劇情飛爺等人對Man姐繼續咬住唔放,就在Man姐最無助之際,文家軍忠臣Ivan(何廣沛飾)成功英雄救美為Man姐解圍,更會終極自揭對Man姐忠心耿耿之謎。何廣沛今次憑情深暖男形象於內地爆紅,激減12公斤的他喪操腹肌,更獲封「全劇最忠心人物」。

由於何廣沛的戲份直到結局周才佔回一定篇幅,不少網民為已升呢男主角的何廣沛感到可惜;但其實Ivan一角在內地相當受歡迎,更因為每次夜會Man姐都要11點離去而獲封「11點哥」。何廣沛全劇吸獲最高討論度一幕,是一心改革Prime Time的Man姐選了王偉(林正峰飾)擔任頭炮男主播後,因擔心被視為文家軍第二把交椅的Ivan不開心、叫了Ivan入房心理輔導:「我揀王偉係因為今次改革太緊要,我唔可以畀位人入,話我淨係捧自己人。」

 

Ivan聽畢只是低頭傻笑,換來Man姐沒好氣追問:「你笑咩呢?」此時Ivan關掉Man姐office的窗簾,並情深款款謂:「你解釋得即係緊張我啦?你唔使講喇,我揀得跟你,就選擇信你,無論你想我點,我都會照做。」此話一出,即獲網民盛讚Man爆又體貼、內外皆優,是全劇最值得支持角色:「超貼心又有眼力又機靈」、「太懂事了」、「這一幕真的好甜,甜份有點超標」、「他業務能力和宮鬥力也絕對不差」、「Ivan BB受委屈了」。

至於Man姐回應Ivan BB的「冧樣五連環」,亦獲網民讚女人味大爆發:「阿佘表情管理恰到好處,眼睛裡的笑意滿滿,女人味呼之欲出」、「Man的嬌羞演的好好」。談到該幕,廣沛笑言自己也演得很投入,並感激阿佘幫忙入戲:「我自己都好鍾意呢場戲,要歸功阿佘同我開親工都用Ivan BB稱呼我,無論幾遠見到我,都會:『Ivan BB 你返嚟喇?』,令我更容易去代入段關係,真係好多謝阿佘嘅帶領,令到我拍情感戲時自然流露。」

何廣沛續指當初一接到樂小姐電話,即二話不說答應演出,並馬上減掉12 Kg兼喪操腹肌,並由圓臉男變成凹臉男。談到角色戲份不多,廣沛坦言不介意,又指為了突出Ivan BB對Man姐的仰慕及暖男度,在角色設計上花了不少心思:「好似幫Man姐磨筷子呀、同埋Man姐之後攞獎時喺台下幫佢拍片咁。」談到角色在內地爆紅,廣沛笑指全靠與Man姐最後Bad Ending:「呢件事引起唔少女性粉絲瘋狂圈粉Ivan哥。」

 

 

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓