留多個錢傍身呀！香港人每月平均儲蓄升至$9,000 主婦平均月儲$5,600、要有108萬先夠安全感

============
同場加映：
【家居達人】專業收納師出手！教你點樣清潔整理辦公室工作枱

============

香港存款保障委員會剛公布今年香港人「儲蓄安全感」指標調查，調查由香港存款保障委員會委託香港中文大學香港亞太研究所，於今年9月6日至11月3日期間，透過隨機抽樣並以電話訪問形式，訪問共1,001名18歲或以上嘅香港人。

調查顯示，67%受訪者表示有儲蓄習慣，比例與去年相若，但每人每月嘅平均儲蓄金額，則有明顯升幅，由去年嘅$7,700增至$9,000，增幅達17%，儲蓄金額數字創調查以來新高，銀行存款仍然係最主流嘅儲蓄方式，有73.9%受訪者表示使用銀行活期及定存作儲蓄。喺有儲蓄習慣嘅受訪者中，有42%表示儲蓄係為咗應付不時之需，其次27%係為準備退休之用。結果反映到經過三年新冠疫情後，香港人嘅經濟能力有一定程度嘅改善，而疫情亦促使港人更積極透過儲蓄為未來作好準備。

調查顯示，67%受訪者表示有儲蓄習慣，每人每月嘅平均儲蓄金額，則有明顯升幅，由去年嘅$7,700增至$9,000，創調查6年以來新高。

有73.9%受訪者表示係使用銀行嘅活期及定期存款作儲蓄方法。

30至39歲平均月儲$11,200
此外，調查亦顯示有84%嘅18至29歲嘅年輕人，有儲蓄習慣，比例較去年升24%，而呢個年齡群組每月嘅平均儲蓄金額為$7,900，較去年嘅$5,000元增近六成。至於30至39歲有儲蓄習慣嘅受訪者比率，更高達93%，呢個年齡群組每人每月嘅平均儲蓄金額，更高達$11,200。

別以為年輕人就會「大花筒」，調查顯示84%嘅18至29歲年輕人，有儲蓄習慣，比例較去年升24%，而平均儲蓄金額為$7,900，較去年嘅$5,000元增近六成。

至於30至39歲有儲蓄習慣嘅受訪者高達93%，每人每月嘅平均儲蓄金額，更高達$11,200。

4 成半家庭主婦有儲「私己錢」
是次調查亦有針對研究全職家庭主婦嘅儲蓄習慣，追加訪問132名18歲以上、合共401名全職主婦作為樣本。發現52.6%受訪主婦有儲蓄習慣，比例與5年前調查相若；每月儲蓄平均值$5,600，則較5年前嘅$4,300有所上升（30%）。調查亦發現，有四成半受訪家庭主婦表示有儲蓄「私己錢」，較五年前上升14%，當中約五成表示有告知家人。

受訪家庭主婦每人每月嘅平均「私己錢」儲蓄為$4,300，比五年前$3,500港元高出兩成。呢啲「私己錢」主要來源來自︰
1.「以前儲起的積蓄」(84%)
2.「配偶給予的家用」(30%)
3.「子女給予的家用」 (29%)

至於儲蓄「私己錢」嘅主要目的，主要係以下3個︰
1.「應付自己的不時之需」(61%)
2.「應付家人的不時之需」(23%)
3.「提升安全感」(17%)

是次調查亦有針對研究全職家庭主婦嘅儲蓄習慣，有四成半受訪家庭主婦表示有儲蓄「私己錢」，每人每月嘅平均「私己錢」儲蓄為$4,300。

另一方面，今年香港人就個人現有儲蓄所帶來嘅「安全感」評分，亦有所上升，由去年嘅51.4分，上升至今年的53.7分，扭轉自2019年以來連續三年嘅跌勢，當中更有75%受訪者嘅儲蓄「安全感」評分達50分或以上，較去年上升11%。調查亦顯示，港人今年平均需要擁有108萬元儲蓄或流動資金，先至有足夠嘅「安全感」，較去年嘅59萬元大幅上升80%，是進行調查6年以來最高嘅金額。

text/Joyce
photo/HKET圖片庫