新聞女王｜兩大視帝實力晒冷！陳山聰演活智障爸爸演技飆狂 馬國明喊戲極有張力扳回好評
新聞女王陳山聰｜TVB台慶劇《新聞女王》大結局一連兩集播出，壓軸登場個案人物陳山聰絕對是一大亮點，陳山聰的客串演出令人眼前一亮，他飾演的輕度弱智爸爸角色形神俱似，令觀眾拍爛手掌。同時，馬國明在最後憑着一場極有張力的solo喊戲，成功扳回演技好評。兩大視帝可謂實力大曬冷，演技飆狂。
陳山聰在劇中飾演輕度弱智爸爸賴志雄，為了為死去的女兒討回公道，於是殺出兒童院舍持刀挾持一眾小孩，更指明要見佘詩曼。事關他的女兒半年前墮樓身亡，被裁定意外，但他懷疑女兒遭受欺凌，希望佘詩曼可以幫他查出真相。之後再談判期間，陳山聰意外發狂，繼而亮刀揮舞，不慎捅向佘詩曼，直播訊號就此中斷……
陳山聰在大結局這一集演技大爆發，將智障人士的特點演得形神俱備，把失去女兒而苦無幫助的委屈、痛苦、難受等多重情緒呈現得真摯動人，無論舉手投足、表情聲線，甚至是背影都入型入格，完全沒有半點「陳山聰」味，並演活了失去女兒的痛心、無助及絕望，崩潰發狂的場口亦演繹得叫人心痛，令觀眾留下深刻印象。值得一提的是，陳山聰今次的客串演出亦令他成功擠身「最佳男配角」最後十強。
陳山聰的演出贏盡好評，更有人指山聰的好演技令人聯想到劉松仁在《大時代》的經典角色方進新：「山聰嗰一滴眼淚，呃左我一殼眼淚」、「我看完哭死了，半包紙巾沒有了」、「演技真的好好啊，女兒演的也很不錯」、「視帝就係視帝，水準確實不一般 呢段太感人了」、「陳山聰一集的演技已給觀眾留下深刻印象」、「這part故事好感動」、「他演技真的太好了，讓我想到大時代男主角爸爸方進新」、「喊足全集」。
談到是次角色，視帝級的山聰亦坦言頗有難度：「我相信係我入行以嚟其中一個真係都幾難演嘅角色，當時鍾澍佳總監製同我講要拍呢個角色時，我都『嘩！』我開頭仲同阿佘講我嚟客串同佢玩兩場戲，我諗住好似Bosco（黃宗澤）咁著套西裝行行企企講兩句對白架啫，冇諗過要搞成咁！作為一個演員可以遇到真係有一定難度嘅角色其實係開心嘅。」雖然只是客串性質，但山聰依然認真對待角色，並專誠找來教開方法演技的戲劇老師一起研究：「我哋用咗好多時間去諗到底呢個角色嘅輕度弱智要去到幾多呢？點樣分輕重呢？因為大家都對陳山聰有固有印象，佢突然做個咁嘅角色大家會唔會認同，如果一做錯咗就會有反效果。」
與此同時，劇情講到陳山聰因受刺激令場面一度失控，牽涉其中的佘詩曼因而身陷險境，疑似被陳山聰揮刀，直播訊號，突然中斷令所有人都憂心忡忡，尤其坐在主播台報道新聞的馬國明更一時淚水潰堤，在鏡頭前將最真實的內心情感娓娓道來，表示非常擔心佘詩曼，憶述了一來以來與佘詩曼在工作上的點點滴滴。
馬國明在這一場戲長達兩分鐘的獨腳戲，展現了視帝線的演技實力，一邊剖白對佘詩曼的感受，一邊紅着雙眼哽咽流淚，到最後得知佘詩曼安然無恙，終於如釋重負，鬆一口氣的感覺，亦令觀眾感受到張力十足的劇情，演出大獲好評，被網民推舉再度問鼎今年視帝寶座。
同場加映：【香港周圍遊】最新影片
港生活人氣娛樂新聞
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
