最近本港社交平台上出現一則「生意轉讓」廣告，內容指該間CAFE位於深水埗某大街當眼位置，標榜「文青風裝修」、「罕有靚盤」、「適合一人創業，租金相宜」，其後更聲稱每月利潤高達3萬，引起網友熱烈討論，到底這間CAFE是筍舖轉讓還是伏味濃？即入內文睇睇啦！
早前有人在Facebook群組「食店餐廳 各式生意 轉讓易手」刊登廣告，內容是深水埗石峽尾一間Cafe欲生意轉讓招徠買家，該店位於某大街當眼位置，標榜「平租」、「文青風」、「設備齊全」、「適合一人創業」，店舖面積約200呎，每月租金為$23,500、營業額則為$80,000，聲稱每月利潤高達3萬，已申請BR食物製造廠牌照，轉讓原因是東主移民，至於價錢方面，則以「HKD幾萬蚊睇誠意」。
點擊圖片放大
這則廣告很快被轉發至其他社交平台，引起網友熱烈討論，雖然該店標榜月賺3萬，但不少網民認為「咁好賺自己唔賺？」、「咁好搵洗咩轉讓，唔通又係賺夠啦，想益下人？」、「移民都可以請人做，搵親戚睇，定係本身蝕緊錢，生意做唔住？」
另外亦有網友分析，指出該店每天只有約$2000營業額，若扣除食材費、水電煤、員工薪水開支後根本所剩無幾，「如果請兩個人手輪下更。分分鐘只剩萬零蚊」、「仲有水電煤 隨時白做」、「計返條數都肯定係無計人工，利潤 = 無請人自己做哂」、「8萬營業額跟本冇錢賺，傻先會做、「分分鐘平日都係蝕 拉埋禮拜先有呢條數」，紛紛留言這盤生意實在太難做！
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
