去年香港人均每日棄置1.51公斤廢物 都市固體廢物頭三位係邊類垃圾？環保回收計劃成效未如理想？！
政府將於明年4月1日實施都市固體廢物收費（垃圾收費），及分階段管制即棄膠餐具和其他塑膠產品，近年亦極力推廣廢物回收等，但根據最新公布嘅「香港固體廢物監察報告」，2022年香港人均固體廢物棄置量為每日1.51公斤，其中廢塑膠量更由2021年嘅每日2,331公噸，增加至2,369公噸，創有紀錄以來新高！環保團體更指政府近年推廣嘅廢物回收行動成效唔高，情況真係咁差？
============
同場加映：
【家居達人】$12店8款新上架廚房小幫手 秒速搣橙、靚煮法式奄列
============
環境保護署剛剛公布咗最新嘅「香港固體廢物監察報告」，報告指出2022年都市固體廢物總棄置量為406萬公噸，較2021年微跌2.0%，人均棄置量為每日1.51公斤，略低於2021年的1.53 公斤。而喺都市固體廢物中，原來廚餘仍然佔咗最大成分，佔30%，其次係廢塑膠及廢紙，分別佔21%及20%，三者比重與2021年相若。但若細看實際棄置量，原來呢三大都市固體廢物，只有廚餘有所減少，微跌3.9%至3,302公噸；而廢塑膠及廢紙嘅棄置量則雙雙增加，其中廢塑膠由2021年嘅每日2,331公噸，增加1.6%至2,369公噸，創有紀錄以來新高！廢紙亦由2021年嘅每日2,234 公噸，增加0.4%至2,244 公噸。
都市固體廢物中，原來廚餘仍然佔咗最大成分，佔30%。
其次係廢塑膠，佔21%。
排第三位係廢紙，佔20%。
而儘管近年政府力谷廢物回收，但2022年嘅都市固體廢物回收率只有32%，僅較2021年微升1個百分點，總回收量為191萬公噸。當中喺本地循環再造嘅都市固體廢物量，由2021年約28萬公噸，增加51%至2022年約42萬公噸，其中約2萬公噸為塑膠物料，10萬公噸為含鐵金屬。不過，本港都市固體廢物只有約20%在本地循環再造，另外約80%會運往其他地方。
建築廢物方面，整體產生量平均每日49,865公噸，較2021年每日減少約6%。當中每日92%的建築廢物，已分別透過工程直接重用，或運往公眾填料接收設施暫存以備將來重用。餘下約8%的建築廢物則被送往堆填區棄置
環保團體綠惜地球表示， 2022年嘅數據差強人意，仍然遠未達到《 資源循環藍圖 2013-2022》嘅目標，即都市固體廢物人均棄置量降至0.8公斤或以下、回收率升至 55%。該組織表示，喺政府近年力谷回收下，塑膠棄置量仍然由2021年嘅每日2,331噸，微升至2022 年嘅2,369 噸，但回收率只有12.27%，遠低於2013年嘅26.27%。而自從 2017-18 年中國內地禁止進口垃圾後，香港嘅回收率仍未恢復，反映以往過於依賴境外嘅回收產能，香港必須實行生產者責任計劃，以截斷塑膠廢物洪流。而垃圾徵費將於明年4月實施，但唔少市民及餐廳仲未清楚了解適應期嘅細節，環保團體都促請當局盡快公布詳情，例如公布垃圾徵費嘅減量目標，並每3個月公布數據，讓公眾檢討政策成效。
環保團體紛紛指出即使政府近年力谷廢物回收，但遠未達標，而且明年4月實施垃圾徵費，好多市民都未明白詳情，呼籲政府盡快公布詳情。
text/Joyce
photo/HKET圖片庫
港生活人氣本地熱話
【寵主請留步】《社群》送您AQUA PRO+TECH「寵物護理入門套裝」🛁！
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
