街頭MMA片瘋傳!紋身男手肘壓「持武器」熱褲女?疑似目擊者:女子多處受傷

文: 張詩朗
2023.12.27

近來網上流傳一段「男女街頭MMA」影片,影片中可見一個紋身男子在馬路上以手肘把熱褲女的肩膀及肋骨位置壓倒,女子在地上動彈不得。期間有女途人向男人說「成身紋身你唔好講啦」並要求他放手,但紋身男大喊女子手上疑似捉有攻擊性武器,表示自己屬於自衛,並以言語反擊女途人,影片引來網民熱議及質疑。

近日有網民在Facebook群組發布一條影片,影片中可見一名黑衣紋身男子將一名熱褲女子壓倒在馬路上,以手肘壓住女生的肋骨及肩膀位置。男子一直表示快報警,並又捉起女子的手,展示她手上拿着疑似具攻擊性武器,大喊「睇住佢擸嘢啊,見唔見到啊?我唔㩒住佢啊?」,表示自己的行為純屬自衛。熱褲女中途指是紋身男先打自己,紋身男則反問她為何持有攻擊性武器。

有途人見狀要求男子放開女生,男人則指怕被人襲擊,有女途人隨後指男人「你成身紋身你唔好講啦」,紋身男反駁「紋身惡啲㗎咩原來?」,隨後兩人互罵。紋身男指「快啲啦,我俾人隊啊!快啲報警,我而家受傷啊」,途人則質疑「你受傷你會咁大力?」,事發途中已有途人報警,影片到此結束。

網民指如無前文後理,很難判斷是非,表示「如果個女人真係用架生/刀襲擊佢,咁佢還拖,制服佢,又唔岩?紋唔紋身又邊關事,大家又覺得女人好慘」有網民支持男方,表示女子明顯持有攻擊性武器,「憑咩叫男人放手」。

有網民覺得女途人先入為主,覺得有紋身等同壞人,有紋身就有問題。同時指男人並無打人,只是用身體制止女子的動作,指「如果真係有攻擊性武器梗係老虎蟹都自保啦,關紋身乜嘢事」。

亦有網民似乎目擊了事發經過,支持片中女子,指是紋身男看見這麼多人拍影片,才在途人面前表示自己先被女子攻擊,而在後巷是男人先攻擊女人,網民列出女子後腦,眼睛,臉部,脖子,手部及肋骨均有受傷,並指該處有監控鏡頭,只要警方調出片段,便可證明一切。

來源:Facebook群組

延伸閱讀:

同場加映:【今期Chill抵】最新影片

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓