59歲劉青雲街市買餸被野生捕獲 身上1物盡顯慳家貼地!仲同老闆娘合照任影唔嬲?

文: 黃樂恩
2023.12.27

59歲劉青雲曾三封金像影帝,但出道多年依舊形象貼地,生活簡樸低調,更不時會親自到街市買餸。早前又有網民在荃灣街市野生捕獲劉青雲,當日他以一身街坊裝現身,身上1配件盡顯慳家貼地,其後更大方與菜檔老闆娘合照,難怪連網友都大讚他「接地氣」。

日前(20日)有網民在社交平台分享一段影片,並配文寫道「街市遇到的,想必大家都認識」,原來他在荃灣街市附近發現劉青雲買餸。當日劉青雲以街坊裝現身,身穿白色上衣、軍綠色背心外套以及米色長褲,自備黑色環保袋購物,途中在賣水果、番薯的攤檔停下,更拿起一個番薯打量,未知是否為「做冬」準備。

菜檔老闆娘見到劉青雲後,即刻拎起電話要求合照,而劉青雲亦一口答應了,笑笑口一起合照,毫無架子,相當親民!除了有市民圍觀,影片中亦有不少工作人員正在舉機拍攝,相信劉青雲今次現身荃灣街市是為了工作所需。

其實過去劉青雲亦不時會去街市買餸,早在2016年就有傳媒在九龍城街市「野生捕獲」劉青雲,當時他以「市民劉先生」的身分接受訪問,指是前來領取已預訂的雞。今年憑藉《神探大戰》三封金像獎影帝,劉青雲亦有在慶功宴訪問中透露已經去街市買好菜了,只等太太下厨共同慶祝,被不少網友大讚「接地氣」。

來源:FB@劉青雲小紅書

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】滿分好評驅蚊劑!↓

↓旅遊必備!一支驅蚊+防床蝨~↓

↓旅遊必備!一支驅蚊+防床蝨~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓