女子食牛角用保溫袋偷肉？日式燒肉餐廳「牛角」向來深受食客喜愛，不過牛角老闆黃傑龍就收到市民舉報，指目擊到有客人涉嫌用保溫袋「偷肉」，掀起一番討論，黃傑龍都公開提醒涉事者，強調「偷肉」屬盜竊行為。
叙福樓主席及行政總裁黃傑龍於Facebook透露（28日），近日收到市民舉報，指在新蒲崗餐廳分店用餐時，目擊到鄰座女客人涉嫌當眾「偷肉」。目擊者表示，「（佢）將6至7吋長的肉片，用手放入預備好的食物袋中，然後又放入可冷藏的（保溫）袋中」，及後再若無其事繼續用餐，形容手法好純熟。
點擊圖片放大
對於「偷肉」事件，黃傑龍表示「香港有好人有壞人」，收到顧客通知「見到壞人」，他不禁公開斥責，指「食放題都會靜靜雞帶埋保溫袋去偷肉嘅，提醒你咁樣係盜竊行為，阿媽都有教係唔啱㗎」。
部分網民直言或會造成食物安全問題，黃傑龍則嘲諷道，「佢連保溫袋都帶埋，應該對食物安全有常識，當買餸咋嘛」。不過，他仍然認為香港人大部份都是富有「正義感」、「正常」及「有同理心」。
貼文引來大批網民嘩然，斥「偷肉真過份，最多拎雞子嚟燒姐」，笑指可能是「專業人士」、「係我就帶多兩個壺裝埋啲牛角飯」；都有網民分享，「我真係聽過有人食自助餐係會拎走埋人哋嘅餐具」，認為已見慣不怪。
▼網民咁講▼
資料及圖片來源：FB@黃傑龍 Simon - 窮富翁 好人好事、牛角日本燒肉專門店 Hong Kong Gyu-Kaku
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
