每個人都會有自己擇偶條件，除了會考量對方個性與家庭等等條件，也有不少人會將對方職業納為考慮的標準之一。早前有港女在討論區發文，指男友在相識時就自稱是「做獸醫」，所以她一直認為對方可以搵到好多錢畀到幸福自己，但最近她在男友家中竟發現1物件，才驚覺男友真正職業原來是…
該名港女在LIHKG討論區上以「原來男朋友一直呃住我佢係獸醫 好傷心」為題發文，指男友在相識時曾自稱是「做獸醫」，讓她一直以為對方不但有愛心，而且又可以「搵到好多錢俾到幸福我」。
點擊圖片放大
直到日前到男友家中做客，港女才發現自己原來一直都搞錯了，男友的職業是「做壽衣」，而不是「獸醫」，她坦言道「我一直都非常注重內在美，講真佢做咩職業我都唔會理，最緊要有Feel」，但發現男友真正的職業後，真相讓她感到「好失望」，又質疑男友為何要瞞著自己從事這種行業。
帖文引發大批網友熱烈討論，留言反應兩極，但大多數人認為港女的想法未免太勢利，直指「做壽衣都好有愛心架」、「賣依d仲有愛心啦，死左既人都關心喎」，當中更有不少人大讚殯儀業收入非常可觀，而且生意長做長有，實在不理解「有咩咁污穢」，並留言表示「又唔係偷呃拐騙，有咩問題」、「做壽衣搵得多過獸醫」、「你將來都要著，難道你想到時唔著？」
不過亦有部分網友認為帖文內容造假成份多，質疑港女是在亂編故事，「巴打，我留意左你好耐，你有冇諗過未來幾個月去紅館開棟篤笑？」、「1分重作，Btw 1分係勇氣分，咁格硬嚟都作得出」、「多謝提供笑話一則」。
來源：LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
