香港強積金制度自2000年起推行至今，屢遭批評，包括被質疑係咪真係足夠維特退休市民嘅基本生活需要，以及計劃回報唔理想，被坊間戲稱為「強迫金」等，究竟香港嘅退休金制度係咪真係咪唔掂呢？一份由人力資源顧問美世（Mercer）夥拍特許金融分析師（CFA）協會嘅《2023年美世CFA Institute全球退休金指數》報告顯示，喺全球47個國家及地區嘅退休金排名中，香港僅排第21位！而亞洲地區就只有一個國家入到10大，究竟全世界邊個國家嘅退休金制度最好呢？
============
同場加映：
【家居達人】$12店8款新上架廚房小幫手 秒速搣橙、靚煮法式奄列
============
呢份報告係根據3大指標，3大指標：「充足性」、「可持續性」、「完整性」，計算每個國家或地區的退休制度分數，除咗衡量制度福利多寡，亦評估咗退休金嘅覆蓋率、公共開支、通脹、監管以至市民對制度嘅信心等因素。
香港嘅退休金制度排名，今年再跌兩位，只得第21位，得分亦倒退至64分，總分較2022年低0.7分，評級則維持喺「C+」，與美國、阿聯酋、哥倫比亞、法國一樣，喺呢個評級嘅退休制度被評為「既有優點，也有主要風險或缺點需要解決；倘若情況未能改善，其成效及可持續性或受質疑」。睇返香港喺3大指標嘅得分，「充足性」指標得分最低，按年跌9.6分至51.9分，主要係經合組織公布嘅淨替代率（即退休收入佔退休前收入比重）下跌。「可持續性」得分按年升9分至61.1分，至於得最高分嘅「完整性」，按年持平在87.6分。
咁香港可以點樣改善退休金制度，或者市民應該點樣為自己嘅退休生活資金作準備呢？美世建議包括強制將部分退休金透過分期提取，以化為退休收入；鼓勵提高家庭儲蓄水平及「銀髮族」嘅勞動參與率等。
荷蘭冰島丹麥名列前茅 新加坡成唯一入十大亞洲國家
究竟今次退休制度世界排名，邊個國家攞第一呢？原來係荷蘭，總得分85，雖然荷蘭退休制度正進行重大改革，主要係將集體福利嘅結構轉向更加個人化，但報告指其資產基礎強大及監管健全仍得以提供良好嘅福利。亞軍係去年冠軍冰島、季軍為丹麥，第四為以色列，分別獲83.5分、81.3分及80.8分，呢四個國家評級全為「A」。而第5至10名依序為澳洲、芬蘭、新加坡、挪威、瑞典及英國，而排名第7嘅新加坡，係唯一進入前十嘅亞洲國家，總得分為76.3，獲評B+，名次比去年升2位，報告指新加坡總分有所增加，係因爲退休金覆蓋率提高。至於其他亞洲國家排名，日本排名第30位、中國第35名、台灣排名第39、韓國則是第42名，而47個地區中，墊底嘅原來係阿根廷。
今次退休制度世界排名，冠軍為荷蘭，總得分85，雖然荷蘭退休制度正進行重大改革，但報告指其資產基礎強大及監管健全仍得以提供良好嘅福利。
排名第7嘅新加坡，係唯一進入前十嘅亞洲國家，名次更比去年升2位，報告指新加坡總分有所增加，係因爲退休金覆蓋率提高。
美世建議唔同國家嘅人，都應該提早思考退休嘅情況，唔能夠僅依賴社會安全或公共退休金；而唔少國家面對出生率下滑、人口老化、政府債務攀升與高通膨嘅壓力，長期會對多個經濟體及退休金制度造成壓力，不利永續性。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
