借用餐廳廁所要畀按金？最近本地社交平台上流傳一張照片，內容是指筲箕灣一間連鎖餐廳由於經常遺失洗手間鎖匙，故食客借用洗手間鎖匙前需先繳付$50按金，但有食客對於這項措施感到相當不滿，狠批「有幫襯借個廁所都要$50按金真係離哂譜」、「今時今日咁樣嘅服務態度真係唔得」，於是決定網上發文公審涉事餐廳。事件引起大量網友熱烈討論，即入內文睇睇啦！
有食客在Facebook群組「香港茶餐廳及美食關注組」發文，稱自己早前惠顧位於筲箕灣形薈商場的薩莉亞餐廳，結帳時想借用餐廳廁所，卻沒想到竟然要先繳付$50按金，讓他不禁在在文中怒斥「有幫襯借個廁所都要$50按金真係離哂譜，唔見鎖匙就佢自己問題啫，食客去廁所都話要按金！今時今日咁樣嘅服務態度真係唔得」，隨後他又向網民詢問「有乜途徑可以投訴」，並上傳了涉事餐廳的告示以及當日消費單據。
從第一張照片中見到，涉事餐廳在收銀台前貼出一張告示，內容寫道「由於經常遺失洗手間鑰匙，借用洗手間鑰匙需要50元按金，作為商場申請補發鑰匙的費用，不便之處，敬請原諒」；而另一張則是事主當日的消費單據。
帖文一出，隨即在網上引發熱論，雖然該帖文已被刪除，但仍有其他網民截圖轉載至其他群組，有不少網友看後紛紛留言力撐店家做法並無不妥，指店家已清楚說明收取按金的原因，以防有客人借後不還，「係咪唔知咩叫按金」、「人地都寫咗原因」。
亦有人在留言中直斥事主想法自私自利，指餐廳已事先講明後果，完全沒有考慮店家的狀況和感受，「真係千奇百趣，又唔係收佢錢，按金都X仲要得閒到上網公審」、「原來客人去廁所唔還鎖匙係餐廳嘅問題，真係神邏輯啊」。
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
