早前嘅除夕維港煙花匯演，大家睇到拍爛手掌，原來為咗推動地區經濟，多個區議會喺下個月嘅元宵節，會推出唔同嘅活動，好似元宵慶祝晚會、市集，甚至聯同商場及商戶推出餐飲及消費優惠等，真係要密切留意呀！
============
同場加映：
【家居達人】專家教你檢驗二手車(下)！ 引擎、冷氣要點驗？踢爆賣家蠱惑招數
============
為推動地區經濟，各區議會均成立提振地區經濟專責工作小組，並提出多項建議。
1.中西區：特色食品市集+新興運動體驗
中西區計劃喺農曆年前嘅連續兩個星期日，即1月28日及2月4日，上午11時至下午8時30分，舉行於上環舉辦特色市集，名為「活力動感．日夜繽紛」閃躍中西區，地點為上環文化廣場、永樂街及摩利臣街。將設有10個攤檔，部分由年輕人負責設計及營運，售賣富有當區特色嘅食品，而部分貨品會以優惠價出售。場內更會安排充滿節慶特色嘅傳統文化項目，例如夜光龍、醒獅及花燈等，以及向參加者派發賀年利是封及揮春，活動上亦會安排多元嘅青年文化藝術表演及新興運動體驗。
2.黃大仙區：元宵燈會+嗇色園黃大仙祠晩上開放
黃大仙民政事務處擬於2月23日至25日，即春節年初十四至十六期間，喺黃大仙廟宇廣場舉辦元宵燈會，活動會以中國傳統元宵及春節為主題，燈會約有50位參展商，場內設有特色小食、工藝品或擺設、傳統文化藝術如剪紙及繩結等攤位、仲有唔同主題嘅工作坊及為兒童而設嘅繪面及扭氣球攤位，吸引不同年齡層嘅遊人。傍晚時分設有燈飾供遊人拍照，嗇色園黃大仙祠屆時亦會配合燈會嘅開放時間，於晚上開放供善信參拜。
3.荃灣區：市集嘉年華+燈會
荃灣民政民政事務處亦建議於2月23至25日於沙咀道遊樂場，舉辦元宵節荃灣市集嘉年華，同時舉辦華服設計及演繹比賽，擬邀請約100個區內中小企商戶參加，設立攤檔售賣乾濕貨、食品及熟食。除零售檔，還會有各項遊戲、表演等，並於場地及周邊設有節日燈飾，加上喺場地內設有元宵傳統花燈，吸引訪客喺晚上到場打卡。
4.沙田區：元宵燈會+商場消費優惠
沙田民政事務處計劃於下月24日和25日嘅兩個晚上，於沙田公園舉行暫名為「沙田元宵樂繽紛」，設舞蹈表演及傳統手工藝攤位。同時，喺沙田區內聯同不同商場於指定推廣期內推出餐飲及消費優惠，參與上述活動及於沙田區內指定商戶消費滿一定金額人士，可參加抽獎。
5.北區：傳統表演展示客家文化
北區民政處建議喺2月24日舉行「沙頭角元宵同樂日」，透過舉辦節慶活動，安排陸上龍舟、魚燈舞等具當地特色嘅傳統文化表演，以展示沙頭角嘅傳統客家文化景觀。
6.東涌區：燈會+市集宣傳離島特色
離島民政事務處計劃喺下月17日開始，於東涌東海濱長廊舉辦園遊會，設置多項以新春元宵及古風為主題嘅燈飾、巨型裝置和拍照點等，供入場人士「打卡」留念。而2月23至25日，即農曆正月十四至十六，東涌東海濱長廊將舉行「離島民俗元宵夜，辰龍千燈園遊會」，屆時會提供多項節慶活動，如猜燈謎、民俗手藝工作坊及製作示範、各式遊戲以及娛樂節目；園遊會中設有元宵市集，售賣離島區內出產或相關的商品，向遊人宣傳離島特色、推動地區經濟。
text/joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
