自內地與本港恢復通關後，許多港人北上消費、「反向代購」内地商品！不過最近就有網友於社交平台發帖，分享自己不再北上消費的原因，他直指內地物價變得「太貴」，又認為現時熱衷北上消費的港人已錯過「最經濟最好玩嘅時期」。帖文曝光後引發熱議，但大部分網友不認同樓主說法，認為「玩嘅野完全唔同」，紛紛留言勸樓主別再「活在當下，少啲想當年」、「仲活在20年前，向前看了，回唔去了」。
本周一（1日）有網友於Facebook群組「深圳大陸吃喝玩樂交流」發帖，分享自己拒絕前往中國內地消費購物的原因。他在文中透露「我行先你哋十幾年前鍾意返大陸玩」，指自己原本也是北上消費的一份子，特別是2006年至2010年期間，他形容當時無論吃喝玩樂都「好平好好玩」。
由於近年內地物價開始變貴，最終樓主亦打消「返大陸玩」的念頭，直言自己再也不會北上消費，「而家都有成10年無返過大陸，原因太貴啦 」。讓他沒想到的是，近年香港竟出現北上消費熱潮、反向代購熱，不少港人都會趁周未假期前往深圳消費，令樓主不禁諷刺說道，「見你地而家係勁踴躍返大陸真係估唔到，可惜你地錯過咗最經濟最好玩嘅時期啦」。
帖文一出隨即引發熱議，但大部分網友不認同樓主說法，並在帖文下方留言勸樓主別再「活在當下，少啲想當年」、「用十幾年前去比價格，當年香港都平啦，唔好講大陸啦，如果30年前全世界仲平呀」、「10年前既深圳未必係大家想玩嘅野，而家先係最繁盛既時期，師兄update下啦！唔好成日想當年」。
亦有網友認為「（內地消費）以前係平，但質素追唔上」、「玩嘅野完全唔同」、「那時多數上去買老翻，同而家上去享受，係有點唔同嘅」，並指出內地物價雖然有上升，但與香港相比還是比較便宜，「點都貴唔過香港」、「若果以現時香港物價你都話國內貴嘅，你留待自家制作吧！」當中更有人直言「攞綜援都返上去玩，你咁都覺得貴只能替你悲哀…」另外也有網友好奇樓主當年為何「鍾意返大陸玩」，紛紛留言詢問「師兄你可否告知玩咩玩得咁開心？」、「想知樓主所謂好玩，係指咩？」、「大膽講出黎你當時玩乜」、「玩乜先？那年代廁所、交通都未配套好？」
」，
App內睇文同睇片可隨時捕捉U Fun彩蛋，
換領現金券及禮品！
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
↓【U Jetso】Mother Pearl圓貝健康好味便攜輕食！↓
↓ 方便又健康好味！多款口味可供選擇！ ↓
