深水埗出名多食得飽、性價比高的餐廳，日前有人在社交平台上發文，分享深水埗一間超抵食茶餐廳，經典早餐連熱飲只需$20就有交易，加$5仲可以有煎蛋多士，實在十分抵食！就連網民看到後也不禁大讚「好平」、「超抵食！」，並留言表示「$20嘅早餐，真係好難搵到呀」！
最近有網友在Facebook群組「香港茶餐廳及美食關注組」上，分享自己在深水埗基隆茶餐廳超抵食$20早餐，「終於食到傳說中嘅20蚊經典早餐，還可以！」隨後上載多張餐點、茶餐廳餐牌的照片，當日樓主叫了一份火腿通粉配熱咖啡，早餐份量不算少，只需$20就埋單，真係好抵食呀！
從茶餐廳餐牌見到，懷舊價早餐共有3款，分別是$20火腿通粉、雪菜肉絲米粉，以及$25沙嗲牛肉麵配煎蛋多士，隨餐附送熱飲，凍飲加$2，特飲加$10，供應時間為上午7時至11時。
帖文一出，隨即獲一眾網民好評，「好平」、「超抵食！」、「性價比高，大推」，同時也有人指出「旺角區要40蚊」，力讚$20早餐真的幫到不少基層打工仔。另外也有曾經幫襯網民表示「飽肚一定係食$25嗰個」、「加$5會扺D，佢個沙牛好食」，建議樓主下次可以試試$25沙嗲牛肉麵配煎蛋多士。
不過，有部分網民認為該份早餐雖然價錢平，但份量太小，「邊夠飽」、「男人一定唔夠飽」、「女士減肥餐」。而樓主亦有對此回覆，指該份餐點雖然價錢實惠，但份量並不算多，比較適合食量不大的女生，「佢個通粉個份量都比平時嘅多，但係講真如果男士計，應該唔係好夠，叫做試過就算！」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
