我哋都知道政府為照顧長者生活需要，推出咗兩項福利：就係俗稱「長生津」嘅長者生活津貼及俗稱「生果金」嘅高齡津貼，根據勞福局向立法會財委會提交嘅文件，由2024年2月1日起，「長生津」同「生果金」津貼將增加3.3％……但兩者其實喺金額、申請資格、資產限額同申請方法上，究竟有乜嘢分別呢？
============
同場加映：
【家居達人】Muji清潔用品好用推薦 實用好收納/自住必備
============
1. 「長生津」同「生果金」計劃，其實有乜嘢基本嘅分別呢？可否兩項都申請？
我吔俗稱嘅「生果金」，其實係指社會福利署嘅「高齡津貼」，任何達到年齡要求嘅合資格長者，都可獲發「生果金」。至於俗稱「長生津」嘅「長者生活津貼」，為社會福利署為長者而設嘅公共福利金計劃，旨在為有經濟需要嘅長者，提供每月津貼，援助長者嘅生活開支。長者唔能夠同時申請「生果金」與「長生津」，只能領取其中一項。
2.「生果金」有乜嘢申請資格呢？
申請「生果金」，不設資產限額要求，申請人毋需作入息審查。申請者條件包括：
1.70歲或以上
2.成為香港居民最少七年
3.在申請日期前連續居港最少一年，年內不得離港超過90天（包括前往內地、澳門或海外國家／地區）
4.領款期間於香港居住
5.沒有領取綜援或長者生活津貼
根據2023年9月社會福利署最新安排，「生果金」申請人喺申請前最多可離港日數，由56天放寬至90天。有關放寬申請，社署解釋係為咗方便住喺大灣區嘅香港長者，資料顯示截至7月底，已有約2.4萬居住喺廣東嘅長者受惠於「生果金」計劃。
3.「生果金」每月幾多錢？
由2024年2月1日起，「生果金」將從$1,570增加至$1,620。
4.點樣申請「生果金」？
長者可於年滿70歲後，或於70歲生日前一個月內，循以下途徑提交申請：
1.可登入社會福利署（https://www.swd.gov.hk/tc/pubsvc/socsecu/ssallowance/index.html），下載「公共福利金計劃申請表」，填妥後連同有關嘅證明文件副本，寄回或親自交回社會保障辦事處
2.親自或由親友親身到社會保障辦事處辦理
3.以電話﹑傳真﹑電郵﹑網上表格或郵遞方式提出申請
4.由政府部門或其他非政府機構轉介
5.「長生津」有乜嘢申請資格呢？
1.65歲或以上
2.每月入息及申報資產不能超過規定限額
3.成為香港居民最少七年
4.在該年內如離港不超過90天，亦視為符合連續居港一年的規定（包括前往內地、澳門或海外國家／地區）
5.領款期間於香港居住
6.沒有領取綜援或高齡津貼（生果金）
6.「長生津」嘅資產限額及每月入息要求係點呢？
A.單身人士：資產限額$388,000；每月總入息限額$10,580
B.夫婦：資產限額$589,000；每月總入息限額$16,080
7.「長生津」每月幾多錢？
2024年2月1日起，「長生津」將由$4,060增至$4,195，而由4月1日起，因應垃圾徵費津貼嘅綜援標準，將會額外資助$10作都市固體廢物收費津貼，即增至$4,205。
8.點樣申請「長生津」？
長者可於年滿65歲後，或於65歲生日前一個月內，循以下途徑提交申請：
1.可到社署網頁（https://www.swd.gov.hk/oala/index.html#s4）下載「公共福利金計劃申請表」，填妥後連同有關嘅證明文件副本寄回或親自交回社會保障辦事處
2.親自或由親友親身到社會保障辦事處辦理
3.以電話﹑傳真﹑電郵﹑網上表格或郵遞方式提出申請
4.由政府部門或其他非政府機構轉介
【INFO】
社會保障辦事處
辦公時間：周一至五：8:45am至1pm，2至 6pm，星期六、日及公眾假期：休息
社會保障辦事處各區辦事處，地址及電話，可查閱網頁：https://www.swd.gov.hk/tc/pubsvc/socsecu/ssallowance/index.html
text/joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
