TVB新劇《飛常日誌》將於1月15日起首播，主要演員包括馬國明、蔡思貝、劉穎鏇、朱敏瀚、高海寧等，劇組今日（8日）正式發布官方造型照，空姐及機師造型全數曝光，蔡思貝、劉穎鏇、戴祖儀的黑絲空姐Look同樣大晒修長美腿，三人各有各美態，當中以高人一等的劉穎鏇最為搶焦，逆天長腿配以甜美腰果眼再加無敵笑容，令人眼前一亮。
劉穎鏇受訪時坦言是次是首度在劇集飾演空姐角色，並笑言曾一度被誤當真空姐：「我劇入面大部份戲份都係著空姐制服，成件事好有趣。我之前唯一一次著過空姐服，就係拍《學是學非》，但都未曾試過咁Official梳好晒頭去做呢個造型。最開心好多公司同事都讚我好似空姐，同埋喺機場度都有人當咗我真係空姐咁。」
戴祖儀與蔡思貝的紅系空姐Look亦絕不輸蝕，前者以甜美取勝，後者在劇中由於已經升了職，故主要以OL形象示人，當中的大蝴蝶馬尾造型更甚有逆齡效果。
同為靚女一族的郭柏妍雖然劇中沒有指定制服，但卻長期以短打（短裙及短褲）出入，青春無敵極度符合新鮮人身份。
男藝人代表方面，雖然馬國明形象夠專業、徐榮夠多變，可惜依然未能匹敵朱敏瀚的「黑超機師」Look，每次出場十居其九都「戴住副超」的朱敏瀚，舉手投足均相當有型，在劇中飾演情聖自然說服力爆燈。朱敏瀚受訪時透露飾演機師是其加入無綫後的其中一個夢想：「因為細個有睇《衝上雲霄》，我好開心可以喺呢間公司正式著一次機師衫拍劇，相信機師係每一個入TVB嘅演員其中一個夢想嘅角色，今次終於圓到夢。」
談到造型，朱敏瀚笑指有向曾做過機長的好友麥大力偷師，單是眼鏡及行李箱已充滿學問：「我會問佢時下飛機師通常會著咩衫同拎咩喼，所以我自己另外配咗副眼鏡同埋個喼都跟番麥大力嘅指引，希望呈現出嚟寫實啲。」除了外觀，麥大力又教朱敏瀚最緊要鎮定：「因為飛機師係負責保護乘客嘅安全，所以一定要係最淡定嗰個，所以我劇入面無論遇到咩危急情況，我都係選擇用最Calm嘅狀態去應對。」
朱敏瀚在劇中與空姐戴祖儀有不少對手戲，談到首度合作的戴祖儀，朱敏瀚笑指對方聲線「好刺耳」：「佢好開心嘅，聲線好響亮、有啲刺耳咁啦，但就令到現場成個工作氣氛都好好，佢亦好貼近到角色嗰種巴渣，我哋劇入面都幾大對比架。」根據官方宣傳照，朱敏瀚與祖儀確是相當老友，戴祖儀更趁朱敏瀚補眠期間「偷襲」對方玩自拍，難怪朱敏瀚笑言遭空姐戴祖儀「調戲」，十分爆笑。
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
