港男溝女搵速遞員送花!要求送上課室兼做1件事任演員 網民批無誠意

文: 溫藹紅
2024.01.11

為搏紅顏一笑,送花是不錯選擇。最近就有港男欲送花予心儀女子,於是透過送貨平台尋找速遞員送上女生課室,更附加1個搞笑要求,連送貨員都苦笑「要做埋演員」,有網民更笑指女生隨時被送貨員「溝埋」!

最近有速遞員透過社交平台群組「香港外賣及速遞平台綜合交流群」發帖,分享在送貨平台上接收到一張「溝女」訂單,內容要求相當有趣,但因為1個原因令他卻步,更留言指「送貨要做埋演員」,甚感無奈。

為了氹女仔開心,有男士會選擇送花,今次張訂單就有客人想搞大驚喜,於送貨平台上尋求速遞員,要求在金鐘即時送貨,貨品為一束鮮花,並寫明要求步兵送貨員將鮮花送上課室,並要「叫Karina小姐收」,指對方坐在課室中間,強調「唔好畀佢知邊個送畀佢,叫佢自己睇信」,全張訂單收費$54。

▼接單送貨員咁講▼

樓主雖然未有接單,但仍有不少網民留言熱議,更引來真正接單的速遞員留言指「我就是那位幫人溝女既送貨員」,並形容「世界難撈」,且附上一張手執鮮花的相片,惹笑大批網民。有人直言送花者無誠意,「送花都唔敢親自送」,更紛紛獻計指「有時溝女就係要大膽,大膽啲直接拖佢走堂去街」、「咁細扎花學人溝女」,笑指可能最後反被速遞員「溝左」。該速遞員則回覆指「貨已送,祝佢好運」。

▼網民搞笑留言▼

資料及圖片來源:Facebook@香港外賣及速遞平台綜合交流群

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓