加拿大幾十年來都係香港人熱門留學地點，但若果閣下真係計劃緊去當地留學嘅話，可能要儲多啲錢！因為自2024年1月1日開始，加拿大政府要求國際學生簽證申請人嘅生活費財力證明，倍增至約12萬港元呀！
============
同場加映：
【家居達人】極速摺衫技巧 懶人必學、超慳空間
============
根據加拿大政府嘅官網說明，學生簽證申請人需具備嘅財力證明，自2000年以來一直無變，每位申請人除第一年嘅學費及旅費外，還須持有生活費用1萬加元（約58,430港元）；但呢個要求已經跟唔上生活成本上升，導致好多學生去到加拿大後，先發現資金不足，因此自2024年1月1日開始，將國際學生簽證申請入面，生活費用證明調高至20,635加元（約120,571港元）。
原來加拿大部分教育機構近年來將國際學生當成「搖錢樹」，疑濫錄取國際學生嘅現象，持續成為加拿大政府關注嘅問題。多倫多星報（Toronto Star）日前公布數據指出，加拿大學校錄取嘅國際學生，有近一半人申請國際學生簽證（study permit）遭簽證官拒發。數據顯示，由2022年1月1日至2023年4月30日期間，申請加拿大國際學生簽證者合共866,202人，但加拿大移民局只批准咗54.3%嘅簽證申請，即470,427人。
自今年1月1日開始，加拿大將國際學生簽證申請入面嘅生活費用證明要求，調高至20,635加元（約120,571港元）。
由2022年1月1日至2023年4月30日期間，申請加拿大國際學生簽證者合共866,202人，但加拿大移民局只批准咗54.3%嘅簽證申請。
過去10年來，在加拿大持有國際學生簽證人數，從2013年嘅30萬人，增加到今年將近90萬人；國際學生透過生活支出及學費，為加拿大經濟貢獻咗220億加元（約1,285億港元），支撐咗約20萬個工作職位。而加拿大亦持續免除留學生校外工作時數每周20小時上限，豁免期將延長至2024年4月底。但加拿大目前嘅住房危機及生活成本上升，已導致好多國際學生面對難搵工作及住房嘅問題，有人甚至不得不求助當地食物銀行。
加拿大目前嘅住房危機及生活成本上升，已導致好多國際學生面對難搵工作及住房嘅問題，亦係導致今次要提高外國學生財力證明嘅原因。
text/Joyce
photo/HKET圖片庫、網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
