56歲鄧兆尊不時都會大爆娛樂圈秘聞，早前他擔任3位老友曾志豪、王耀祖及貴花田主持的YouTube節目「田豪祖3寶」的嘉賓，大爆一單疑似按摩店被男顧客走數事件，直指娛樂圈中有不少藝人都試過揼邪骨走數，當中更有一位「頂流藝人」更打算唱歌當找數，引起大批網友熱論。
節目中，主持人王耀祖，於是就問鄧兆尊有沒有聽過「揼霸王骨」，當時鄧兆尊即刻表示「有」，並語重心長地呼籲各位同行以及任何人，「除非你唔好出名，你一出名有啲嘢就唔好做！因為所有按摩師返到休息室一定講，一間通天之後就間間（按摩店）都通天，全香港都知你做過咩！」
原來鄧兆尊曾聽聞過不少同行藝人都有「揼霸王骨」，他坦言「多數都係話會畀幾錢貼士，可能話500蚊，但最終埋單就只係畀200蚊。骨鐘錢就一定走唔甩，通常都係走貼士！例如話：『我畀3,000蚊貼士你，你畀我掂一掂啦！』之類，點知出到去畀200蚊！大家明啦！」
王耀祖聽完後，隨即笑稱「我明喇，即係邪骨囉！攞著數仲要唔止攞人哋勞力，賤格都不得了」，直言該行為分明是「走肉金」。難怪貴花田聽到後，也不禁怒斥一句「呢啲人唔唱爆佢真係唔得」，並不斷追問是幾多線藝人、是歌手還是藝人。
而鄧兆尊亦沒有開名，他僅表示「由頂流到最低都有！試過一個頂流歌星話：『嗱，我唱首歌畀你聽，你賺咗呀喇！一人演唱會呀！』之後唔畀代支囉！」貴花田隨即鬧爆此等行為，「癡孖筋，咁Cheap都有嘅？」並表示貴花田的反應就跟按摩技師當時一樣，可惜是事後才知道對方走數。
鄧兆尊在節目中提到，「低（地位）嗰啲我可以理解，因為搵食搵唔到咁多錢，又想玩特別嘢，唔想畀筆錢就走數。但嗰個頂流（歌星），幾十億身家仲搞呢啲咁嘅嘢，你真係好唔得囉！」並重申自己也有揼骨，但所到之處都是「正經」地方，「唔正經」只是視乎個人行為。除了揼邪骨走數，隨後鄧兆尊再爆料說：「試過有對夫妻，明星嚟嘅，最好笑係包住個頭得番隻眼咁去，怕人哋認到佢哋。」
節目一出，隨即引來大批網友熱烈討論，不少人跟貴花田一樣，紛紛追問是哪位「頂流藝人」揼邪骨走數，「好想知邊個上流係邊個」、「真係想知邊個咁鬼cheap走數」、「而家頂流定以前頂流先？」另外亦有網友根據節目中的幾條線索推測，紛紛留言表示「點解我第一嘢諗到校長」、「肯定係譚XX啦，杜生都有講過」、「咦咦～ 我諗起校長」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
