街坊限定！第一屆土瓜灣麻雀王大賽 賽制係點？有乜獎金獎品？

============
同場加映：
【家居達人】極速摺衫技巧 懶人必學、超慳空間

============

有關獎金及獎品嘅問題，主辦機構講到明：「今次大賽冇獎金冇獎品冇東京來回機票」、「贏家只會獲得『土瓜灣麻雀王』美譽」！今次係打廣東牌，玩法係唔打錢，齋計分，三番起糊玩造牌！不過最有土瓜灣特色嘅賽制，係今次比賽會將參賽者分成「土瓜灣上路」及「土瓜灣下路」兩條隊進行比賽，至於邊度係「上路」邊度係「下路」，一路都眾說紛紜，主辦機構就話參賽者可根據自己嘅「身份認同」報名，亦可以順道引發街坊思考同討論。而一般講法，區內居民會認為「馬頭圍道北段與漆咸道北」為「上路」，「土瓜灣道與馬頭圍道南段」為「下路」。

今次比賽只限土瓜灣區居民參加，參賽者可以根據自己居所屬於「土瓜灣上路」還是「土瓜灣下路」而報名參賽。

比賽賽制：
A.64強初賽
日期：2月4日（日）（年廿五）
時間：12－8pm
地點：麻雀客棧
玩法：同時打「上路隊」及「下路隊」，兩枱初賽打一圈，每枱有兩位出線者，直接進入2月18日「32強」比賽。當日只需要參與上述時間嘅其中一小時。

2月4日為初賽，每枱會有兩位出線者，進入32強賽事。

B.決賽
日期：2月18日（日）（初九）
時間：12－10pm
地點：麻雀客棧
玩法：都係同時打「上路隊」及「下路隊」兩枱，先打「32強」比賽，打一圈，每枱一位出線者，進入稍後時間「8強」準決賽；「8強」準決賽，打兩圈，每枱兩位出線者，進入最後「4強」決賽，而「8強」準決賽中，將會誕生「土瓜灣上路麻雀王」及「土瓜灣下路麻雀王」各一名！至於「4強」決賽，就要打四圈，勝出者將獲得「第一屆土瓜灣麻雀王」稱號！
溫馨提示：如果覺得技術好，有信心會入到決賽，當日就預留全日時間喇！

報名方法：
網址：https://forms.gle/e7CzsmkHzuPwqZSP6
溫馨提示：
1.如多於64人報名，將會以抽籤形式決定出賽名單
2.初賽參加者名單將會於1月24日公佈
3.鼓勵參加者可以創作有創意嘅「行走江湖用嘅稱號」 
截止報名：2024年1月22日11:59pm

text/Joyce
photo/HKET圖片庫