40歲吳浩康做地盤捱出頭2月開演唱會!海報造型引熱話!網友質疑:一切只係Marketing?

文: 黃樂恩
2024.01.17

40歲吳浩康(Deep)婚後收心養性,為賺奶粉錢一日打幾份工,除了去教唱歌、學習舞台製作工程,更為生活放下身段做地盤工,被網民稱為「職安真漢子」,並在去年底宣布約滿離開英皇娛樂。正式成為獨立歌手的他,日前宣布舉行個人演唱會,演唱會海報更以工業風造型示人,有人猜測「個台佢有份搭?」但亦有網友質疑「原來一切只係Marketing」、「時間真係配合得天衣無縫」。

吳浩康個人演唱會《Deep Reborn》將於2024年2月24日,在香港海洋公園水上樂園舉辦,門票價格定為$680一張,目前只有一場。票價包括入場門票1張、市集入場門票1張、酒精或非酒精飲品1杯(*所有酒精飲品只會出售予18歲以上人士)、 吳浩康基礎歌唱技巧小組課程試堂(1.5小時)、 憑飛可於當日享香港富麗敦海洋公園酒店餐飲優惠9折。

吳浩康演唱會2024|吳浩康2月首辦個人演唱會 票價/購票日期/場地/優先售票/開售日期(不斷更新)

從演唱會海報可見,吳浩康以一身工業風造型亮相,仲出動私伙安全帶挨著黑色舞台燈光架上拍攝。他在受訪時提到,「其實冇諗過會發展得咁快,主辦佢哋好錫我,覺得我屬於舞台,所以幫我搞呢次音樂會,我都好多年冇舉行個人騷,今次唔會加太多新Idea,反而想保留歌曲原汁原味。」

消息一出,隨即引發大批網友關注,歌迷們大讚$680票價簡直是「抵到爛」,其價錢還包括入場門票、飲品一杯以及基礎歌唱技巧小組課程試堂,紛紛留言「呢個價其實抵...唱歌老師上一堂都幾百蚊,而家係演唱會送唱歌堂」、「以呢個價錢抵到爛」、「deep係屬於音樂界,唔係建造界」。

40歲吳浩康婚後落力賺奶粉錢!離巢英皇一日打幾份工 教唱歌兼做地盤工人?

此外,亦有網友將吳浩康的演唱會資訊轉發至社交平台上,並在帖文中寫道「職安真漢子開演唱會,唔知個台係咪佢自己有份去搭同拆呢?」結果引來不少網友討論,有人認為吳浩康能屈能伸,明符其實是職安真漢子,「有show開show,冇show做地盤,其實冇問題 」、「有份搭個台,真心勁喎」,但也有網友直言「原來一切只係Marketing」,又指吳浩康過去3個月頻頻在IG出帖,原來只是為新工作「鋪緊路」,「唔意外,有目標自然要舖排,搵工都要舖排啦」、「食相難睇」、「一路覺得佢似鋪緊路」。

而吳浩康則懶理謠言,早前他「停工」一天為個唱拍海報及宣傳片時,當日還落手落腳裝拆欄杆,手法純熟十分專業,他透露:「其實都擔心有人誤會我做地盤係宣傳,有啲網民話我地盤唔駛做、行行企企,我都想問吓佢有冇呢啲筍工介紹!不過都唔理得太多啦,明我嘅人自然會明,唔洗解釋太多。」

來源:IG@ngdeepHKETFB@Go Go Shatin

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓