近年好多香港人移居他國，留低嘅人，好多都慨歎香港經濟狀況及生活配套比以前變差，已經無以前嘅香港咁好住……全球外派人力資源顧問機構ECA International剛剛公布咗年度全球宜居城市排名，香港排名第77位，雖然比去年已回升咗15位，但睇返2013年時同一個城市排名，原來當時香港係排第17位㗎！咁究竟今次，邊個城市排第一？香港人近期最鍾意去嘅深圳，又排第幾呢？
============
同場加映：
【家居達人】極速摺衫技巧 懶人必學、超慳空間
============
全球外派人力資源顧問機構 ECA International，透過分析醫療服務、住房及公用事業、基礎建設、社會政治環境以及空氣質素等，評估全球超過500個地區嘅整體生活質素，發布2023年度全球宜居城市排名，新加坡連續第三年排名第一，香港嘅宜居程度在過去12個月中有所改善，回升至全球第77位，較疫情期間2022年嘅第92位大幅攀升，但翻查資料，香港於同一排名中，2013年時係排名第17位！
香港嘅宜居程度回升至全球第77位，較2022年嘅第92位大幅攀升，但翻查資料，香港於同一排名中，2013年時係排名第17位！
ECA亞洲區域總經理夏力信表示，香港及中國內地為全球最後一批解除新冠防控措施嘅地區之一，隨着呢啲防控措施陸續被撤銷，香港及中國內地城市嘅宜居程度在過去12個月間均有所改善。針對香港嘅情況，夏力信表示自2014年及2019年嘅社會運動後，香港喺「社會政治環境」及「言論自由」兩方面嘅評分，雖然有所下跌，但畢竟香港擁有優良設施、基礎建設、娛樂選項及低犯罪率，相對於亞洲區內其他城市，仍然具相當吸引力。不過同其他亞洲城市相比如新加坡，因香港始終會遇上具破壞性嘅颱風，又有較高嘅污染水平，以及房屋供不應求等因素，均降低咗香港嘅宜居程度評分。
撇除政治環境等，每年都有具破壞性颱風影響香港，其實都係令排名降低嘅原因。
香港擁有優良設施、基礎建設、娛樂選項及低犯罪率等優點，令香港嘅排名喺亞洲地區中，僅次於新加坡、日本及韓國的城市。
是次排名中除新加坡排名第一，日本東京、新西蘭威靈頓及澳洲阿德萊德並列第二，大阪及布里斯班並列第五，橫濱及悉尼排第七，內地城市方面，深圳排名第137位。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
