吳浩康1原因拒借錢甘心做地盤!大爆香港藝人收入....75%明星人工極低差過呢行

文: 黃樂恩
2024.01.22

現年40歲的吳浩康(Deep)出道多年,演藝事業大起大落,曾因唱功了得被喻為「靚仔版」陳奕迅,亦曾因為年少輕狂,2004年在警方一次掃毒行動中被捕和藏有危險藥物罪名成立,迎來事業低潮。早前他就在Youtube頻道Black Box Office(BBO)上,分享入行做地盤的原因、其心酸經歷,又指自己從未想過放棄歌手夢,並在片大爆香港做藝人不容易,月薪仲差過呢一類人?即入文睇詳情啦!

吳浩康接受Black Box office訪問時透露,指自己現在星期一至四都會到地盤返工,工作時間由早上8點到下午5點,收工後就會即刻回家洗澡,看太太是否有東西要他去買,然後就會馬上到Studio教學生唱歌教到十一點。當被問到這樣的生活是否比做歌手更攰,他語帶自嘲說:「攰呀!但純粹做歌手都可以好攰㗎,我冇嘢撈啫。其實如果講環境惡劣,都係拍戲惡劣啲,拍戲係好辛苦嘅,大家以為啲明星可以好好咁坐喺度食飯,你要好明嘅明星先至可以,如果唔係都係沙塵滾滾(環境)好惡劣。」

至於做地盤的原因,吳浩康坦言是因為自己年紀變大、面皮越來越薄,不想再去開口問人借錢維持生計,「年紀越嚟越大,面皮越嚟越薄,唔想去用借錢或其他嘅方法去度過呢個時期。會介意第日個仔聽返啲咩說話,佢冇話過『老豆,你去借錢畀我買尿片呀』,佢冇講過,佢冇咁做,我唔可以喺佢冇得揀嘅時候,用養育佢嚟做名義去借錢。如果未可以透過唱歌去賺錢,我咪做住其他嘢去搵錢囉。」

近日吳浩康不時都會在IG發帖,分享自己一天的地盤工日常,讓不少網友都質疑他是在為歌唱工作「鋪緊路」。吳浩康在片中亦有回應,透露自己原來早在去年3月已開始從事地盤工作,「其實點解我拍出嚟講,就係因為好多人影到,影到我都覺得煩。啲人會講你係公眾人物,影吓你預咗㗎啦,係唔犯法、係預咗,但係唔代表舒服,如果我冇公開講過你哋就好似發現新大陸咁,我公開講咗佢喇,等你哋唔使咁好奇。」

吳浩康續指,坦言自己做地盤是為出糧,並不是要改變別人對他的想法,「如果有得扮,我洗咩霉咗咁多年先去做(地盤),我嘅低潮又唔係今時今日」,同時他笑稱如果真的有一份工作有薪水之餘又可以「Hea做」,建議大家不妨把工作介紹給他,「Hea同勤力唔係你哋講,係我老闆講㗎!」

隨後吳浩康更在片中大爆有75%香港藝人收入不如一個地盤工人,但他很欣賞這些藝人的堅持精神,即使有多辛苦都會繼續支持下去,實在讓他非常尊重。當被問及是否想過要放棄歌手夢,吳浩康馬上回應道「呢個係我完全無諗都無諗過」,又指自己做地盤工就是為了賺多一些錢,用實際方法支持自己的明星夢。同時他也回想起去年在亞洲博覽館做工程,現在看到見到叱咤頒奬禮時很多歌手在門口與粉絲們慶祝,「嗰條路就係我每晚收工都會行過嗰條路,我由頭到尾都知道,有一日我會返去。」

吳浩康提到一開始在地盤找工作時,對方故意派一些很辛苦的工給他,見到他去開工又會語帶諷刺道,「估唔到你真係嚟喎,我買重你唔嚟!」後來,他也沒想到做地盤也能帶來一些演出機會,有建築商找他做Annual Dinner嘉賓,而那些公司的寫字樓同事亦會像其他歌手的粉絲一樣,在現場舉牌支持他。現在吳浩康的老闆還表示會盡量安排工作給他,並語重心長地對他說,「搵你做嘢係因為你係我朋友,但係在心入面,做咗朋友就更加想喺銀幕見到你,多過喺地盤見到你,所以你要放假就同我講。」

不少網友看影片後都大讚吳浩康「真男人」、「佩服你」,並在留言中指出「人誰無過」,欣賞他現在憑實力過活、堅毅不屈的精神,「有承擔有夢想嘅男人最charm」、「欣賞佢呢啲有諗法又踏實嘅人」、「唔係得個講字,為家庭、為自己嘅夢想奮鬥,值得尊重」。

來源:YT@BBO | Black Box officeIG@ngdeep

【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓