女歌手陳葦璇（Kira）近日為最新派台歌《左手香》忙於宣傳，日前就接受電台節目《星光背後》專訪，節目大方談到對上一首派台歌，已經相隔一年零三個月。陳葦璇亦講到入行九年逃不過一入大公司便會遇上高層變動的宿命，更分享到當年以女團As One成員活動，原來只得月入約二千的微薄收入。
陳葦璇入大公司即遇高層變動
現年29歲的陳葦璇，原名陳嘉茵，於2015年經「太陽娛樂」女團As One唱紅一曲《 Candy Ball》入行，2020年參加《造星3》成大熱門廣為人識，惟最終敗給「折骨Ben」趙祥誠得「梗頸二」。及至兩年前由「夢想沙龍」轉投「環球唱片」，當時公司更以「璇風啟航」高調宣傳其加盟，奈何之後水花不大，維持半紅不黑的狀態。
當年陳葦璇簽太陽入As One不久，即遇上老闆Paco（黃柏高）失勢被安排轉戰電影，再加上兩位成員解約，令再重組的As One不足三年再度解散。雖然陳葦璇於2022年再被環球唱片青睞，惟簽約後公司連續兩年大地震，先有高層Duncan退休，今年初再遇高層大裁員。
陳葦璇坦言新歌《左手香》已是去年錄好，談及當天加盟「璇風起航」的宣傳，她無奈說：「人生就係咁！入行以來，我去到每間公司都好多預計唔到變化，我唯有都係抱住盡做的想法！」談及無奈，她更披露近期終能宣傳出歌，卻遇上在港的唯一至親爺爺剛離世，她即時哽咽說：「最近屋企都有變化，爺爺突然走咗，情緒上經歷又高又低，新歌《左手香》歌詞幫到我，因為『相信歲月過仍能快樂』。」
陳葦璇《造星3》奪亞軍
陳葦璇暫時人氣最高是2020年參戰《造星3》期間，談及之前參加台灣選秀騷《希望之星》又或是多屆學界比賽大部均是亞軍的「二奶命魔咒」，最終《造星3》仍逃不過大熱倒灶梗頸二，她說：「學屆時我試過連續三年亞軍響台上喊，但《造星》當時對唔熟悉自己，想挑戰唱首完整慢歌，唱林憶蓮《願》係翻車到不得了，係輸緊張失敗無得怨。」
《造星3》是陳葦璇的事業轉捩點，原來也是她自己爭取自薦才能及時趕上最後面試，「知道有呢個比賽，我當時問公司（夢想沙龍）想參加，公司唔知點解覆我無位，最後係透過朋友問到。好記得當日朝早十一點問，得知當日係最後一日海選，亦可以最後一個面試，我係幾個鐘內，搵晒MMO準備好，去到最後一個面試。係！我係爭住參加，因為我見到機會，如果無盡力把握，就唔係陳葦璇。」
陳葦璇曾得月入約二千
陳葦璇父母於其18歲時舉移居美國，放心一向獨立的大女回港追夢及與爺爺生活，「由始至終我只係想出歌，無諗過幾紅搵到幾多錢。九年嚟我無諗過放棄，因為總有方法過到難關！就算未有歌出，都會經營網上頻道、做幕後做主持，任何對唱歌行業有幫助，我都做，無人畀機會我，就自己去創造機會。」
問九年以來，陳葦璇追夢要不要家人經濟上支持，她斬釘截鐵的說沒有，「我一直都有畀家用媽咪，即使As One那兩年，我只收到張支票是4萬幾（月入約二千）都係。我真係非常慳，當時響屋企住，響屋企食飯，無搭的士，唔買衫，少買化妝品護膚品，名牌從無響我身上出現，生存到我出到歌我已經好滿足，我要求真係非常低。老實講，我認為自己好勤力好自律，偏偏有好多嘢唔係我控制到，但人生往往就係咁，就算唔係呢一行，都未必順境，都要繼續行落去。我認為我年紀仲算輕，只要有意志，總會搵到快樂。」而明年是陳葦璇入行十周年，她仍堅持追夢做跳唱歌手，希望明年入行十年完夢首開個唱。
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
