年近歲晚，唔少市民會為家居大掃除而聘請家務助理幫手，勞聯及家庭服務從業員協會剛剛以問卷訪問咗192名家務助理，究竟佢哋期望嘅時薪係幾多？如果係大掃除嘅話，又期望時薪係幾多呢？而垃圾徵費雖然延遲至8月先實行，但原來家務助理都對垃圾徵費有好多疑慮，點解呢？
============
同場加映：
【家居達人】皮梳化污漬徹底清潔法 貓爪痕可以點補救？輕鬆清除原子筆痕
============
勞聯及家庭服務從業員協會剛剛發布咗2024年家務助理薪酬及工作保障期望問卷，於上月至本月，以問卷訪問咗192位家務助理，以了解佢哋嘅待遇及工作保障情況。結果顯示，近6成家務助理去年時薪為110元以上，約9成受訪者希望喺今年可以調整薪金，逾四成人期望今年大掃除嘅時薪為150至170元。勞聯建議2024年家務助理時薪，應加到120至135元，大掃除期間應不少於165元。
根據2024年家務助理薪酬及工作保障期望問卷，約9成受訪者希望喺今年可以調整薪金，逾四成人期望今年大掃除嘅時薪為150至170元。
勞聯主席林振昇表示，調查發現有家務助理收80元時薪，認為「實在係太低」，因為大部分家務助理都住喺上水、屯門及元朗等新界北區，好多時都需要長途跋涉跨區到港島或九龍區上班，車費上升對家務助理嘅財政造成一定壓力。
唔少家務助理住新界北區，但需要長途跋涉跨區到港島或九龍區上班，車費造成一定壓力。
擔心要自費幫僱主買垃圾袋包底
喺工作保障方面，有4成工友喺「開工」前，並無確保僱主係咪已買保險，亦有3成人表示，即使知僱主無買保險嘅情況下，仍會返工；另外有6成人認為，因工作勞損而而引起嘅治療費用，並不在保險嘅保障範圍內；林振昇指有啲家務助理並非經過僱員再培訓局轉介，難以知道僱主有無幫佢吔購買勞工保險，亦難以開口詢問僱主有關保險事宜，情況令人擔心。工會呼籲政府多做宣傳，鼓勵僱主買勞工保險，亦呼籲家務助理提高意識，主動問僱主有否買勞工保險，或確定有買勞工保險才去上班。
對於「垃圾徵費」，調查發現逾五成家務助理擔心實施後，會增加佢哋同僱主間嘅爭拗及摩擦，影響工作，並有四成人對措施完全唔了解，甚至有工友擔心喺垃圾徵費下，如僱主隨便提供一般垃圾袋給扔掉圾，最後可能演變成要工友幫僱主買指定垃圾袋「包底」，否則可能得失僱主或者誤墮法網。林振昇指，工會認同政府押後實施垃圾徵費決定，希望政府善用四個月時間做好宣傳及教育公眾工作，並盡快喺僱員再培訓局家務助理課程中，增加垃圾徵費內容，加強培訓家務助理，確保佢哋清楚了解自己嘅責任範圍；同時亦要加強向僱主宣傳，確保為工友提供指定垃圾袋。
調查發現逾五成家務助理擔心垃圾徵費實施後，會增加佢哋同僱主間嘅爭拗及摩擦，並有四成人對措施完全唔了解。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
