港鐵女子狂鬧男學生性騷擾！日前網上瘋傳一段女子激動大罵男學生「性騷擾」的影片，引來全城關注，男學生母親早前現身說法交待後續。事緣一名女子在港鐵候車時疑因「M痛」踎低，豈料被男學生望了一眼後，情緒激動怒轟對方「視姦」性騷擾她，言論令人嘩然，連市民都睇唔過眼，最終報警處理。
男學生母親日前（24日）在社交平台，上載一段兒子在粉嶺站月台向途人解釋的影片，並發文稱，見到兒子「要自己一個人好無助好委屈喊住咁同啲街坊解釋返呢件事，我覺得好慘」，引來大批網民留言力撐。學生母親回應網友時，亦再次交代當日的後續經過：「我去到粉嶺火車站嘅時候，見到（兒子）自己一個人喊住咁同差人解釋返件事，好彩啲差人全部都相信（兒子）冇做過，（兒子）見到我同爸爸個人都定咗好多，最後等咗成九個字」。
她續指，「對方一定要我個仔講對唔住先肯算數」，但她覺得兒子沒有做錯因此「唔肯講」，及後警員亦向該女子解釋沒法要求對方道歉，最後著男學生與家人先行回家休息。
周二（23日）一名女網民上載一段「女子狂鬧男學生性騷擾」的影片，並寫道「有冇專家拆解下性騷擾嘅定義？望下算唔算？」影片長2分19秒，顯示一名女子與同行壯漢，情緒激動地狂鬧一名男學生「性騷擾」她，片段隨後於網上遭瘋傳，引來全城嘩然。
女子經痛踎地遭男學生望一眼 狂轟對方「性騷擾」
片中所見，一名頭染粉色系長髮、穿著短褲的女子情緒激動，以高音聲線不斷怒罵一名男學生，與女子同行的壯碩男伴亦加戰局，兩人「夾攻」圍鬧男生：「望咩啊X樣」、「係咪想性騷擾？報警，依家就報警」、「你睇一眼令我唔舒服！邊間中學？」，及後大聲指「我唔舒服，M痛（經痛），所以踎係地下！你性騷擾我」。
▼影片截圖▼
逼問男生性騷擾定義 女子：「有男朋友，你都敢望？」
期間男學生表現相當冷靜，解釋不果終用自己手機報警，惟女子未有收口，期間更逼問男學生是否知道性騷擾定義。她說道：「你知唔知性騷擾嘅定義係咩？就係你任何行為，任何語言，任何眼神，令到女方覺得唔舒服，被威脅，被攻擊，就係性騷擾！明唔明白？明唔明白？知唔知道？」
▼影片截圖▼
期間男學生勸說女子冷靜，對方仍然極激動，怒斥「被唔禮貌咁望住，你有咩感覺啊」、「一個女仔自己都算，佢有男朋友，你都敢望」？影片拍攝至最終3人共同下車便結束。
▼原帖▼
男學生最終報警處理 市民亦「睇唔過眼幫拖」
拍攝者又表示，「最後我緊係做好市民同幾個睇唔過眼乘客幫拖啦，個細路平安」。另外亦有市民分享後續影片，涉事女子及其男伴，與該男學生在港鐵粉嶺站大堂對峙，女子疑仍未平伏激動情緒，期間欲衝上前與該男學生理論，被男伴阻攔，至於男學生則嘗試向圍觀人士解釋事件因由，並指已就事件報案，待警員到場處理。
▼影片截圖▼
影片隨即引來大批網民關注，大部分網民批評涉事女子過份，「個女人踎低，人地望下就叫性騷擾，咁我一定性騷擾好多人」、「冇啦啦有人踎底咗，正常都會望下乜事睇下有冇嘢幫」，直言「望下都唔得呀，咁不如唔好出街」。對於男學生的不卑不亢應對反應，亦獲不少人讚賞「年青人好冷靜，真係要讚」、「有質素」。
▼網民咁講▼
資料及圖片來源：Facebook@大埔 TAI PO
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
