肥媽公開新年「逗利是」必勝秘技即穩袋6位數？游嘉欣笑言賺夠呢個數退休被諷太天真
由肥媽、李家鼎及游嘉欣主持的飲食節目《肥媽李鼎打大佬》即將播出最後3集，今次主題分別是「退而不憂全攻略」、「一團和氣闖年關」。今次除了談及理想退休年齡、公開老一輩「慳錢經」，肥媽更在節目中大爆新年開騷逗利是的必勝秘技，試過一場穩袋高達6位數「利是」，有興趣可入內文睇睇啦！
節目中，三人提到理想退休年齡時卻出現頗大分歧，期間游嘉欣更笑言想40歲左右退休，嚇到肥媽眼都凸：「咁咪即係唔使做？你諗住吊金龜算喇？」隨後又追問她覺得一個月幾多「使費」先夠？當游嘉欣說出一個數字後，肥媽非常愕然並大讚「娶得過」！
之後，肥媽又問游嘉欣「你認為幾多錢先夠退休？」當時游嘉欣天真地說道，「假使我40歲開始唔做嘢，而自己又活到80歲，咁我仲有40年人，我估要400萬？」兩老聽到後都不禁直呼「冇可能」﹗ 豈料游嘉欣反而更愕然地表示：「400萬都唔夠？」
當見識到游嘉欣「數口」有多不濟後，肥媽隨即表示 「食爺飯，著乸衣」(意指靠屋企人)，游嘉欣聽完也一臉慚愧地說「都係嘅，同屋企人一齊住使費比較低！」因欠奉錢銀觀念在節目中連番被追擊的游嘉欣，本著「好學」精神向兩老請教大計，肥媽鼎爺即大方分享老一輩的「慳錢經」。肥媽說：「以前阿媽教我哋，一出糧就要買金戒指，幾薄都好。咁到年尾就有12隻，夾埋就可以換隻大啲嘅（戒指）。」而鼎爺則認為最好的儲錢方法就是要識忍手，他說：「例如我鍾意嗰樣嘢，我依家唔夠錢，我就下決心捱多兩組（戲），儲多啲（錢）就買到架喇。」
除了談及講農曆新年傳統、習俗，肥媽還在節目中大爆花生指數極高的新年開騷逗利是秘技，並分享「賭城利是戰衣」，原來她的必勝法是V領設計及兩個胸圍，最豐收一次是一場穩袋高達6位數「利是」，肥媽說：「（兩個胸圍）係用嚟攝籌碼，唔係攝利是！佢哋啲籌碼成5千蚊美金一個，若果唔戴兩個胸圍，有機會跌鬼咗。」
來源：東張西望
【衝出嚟玩】最新影片
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
