飛常日誌|前空姐蘇可欣史穎喬教梳空姐髮髻 片段熱播勁吸逾53.5萬瀏覽次數

文: 羅志宏
2024.01.24

《飛常日誌》自播出後引發「空姐熱」,除了劇中15位真‧假「空姐」引發熱話,就連以往飾演過空姐的女藝人亦成為話題。無綫官方社交平台日前「食住條水」,找來劇中真.空姐蘇可欣及史穎喬拍片教大家極速盤出靚靚空姐髮髻。

影片所見,手持不同髮飾的蘇可欣及史穎喬,以極簡單八至九個步驟已成功盤好「空姐髻」,雖然盤出來造型大不同,但同樣眼明手快、乾淨俐落。談到「空姐髻」,史穎喬搞笑謂梳高梳低會影響一個人的氣場:「我聽前輩話,如果梳得高,個氣場就會強啲。」兩段影片上載不夠兩日勁吸逾53.5萬瀏覽次數(IG+FB),網友留言大讚極速盤髻手法厲害之餘,還大讚二人靚女。

問到蘇可欣當初為何投身空姐行列,她笑言是受無綫經典劇《衝上雲霄》啟發:「好老套地真係因為《衝上雲霄》而想做空姐,應該話佢係呢個職業夢嘅種子。到有一次好偶然見到個女仔著住空姐制服加大褸,好有氣質好端莊咁,令我更立志要加入呢個行業。」於2014年加入空姐行列的蘇可欣,於2年半後毅然離職,並笑言當年參選港姐時只是想「Take個Break」,沒想到之後很快便決定轉行。

在劇中飾演劉穎鏇同事的史穎喬,被問到空姐難忘事,史穎喬笑言是疑似撞鬼驚魂:「有次我飛長途機,去廁所時道門有啲Kick Kick地,明明鎖咗但我去洗手間去到一半時又彈番開,我當時以為自己冇鎖實度門。跟住我就緊接聽到有啲好懷舊嘅音樂,仲要啲聲好拆同好多沙沙聲,初初我仲以為有人喺出面等緊我所以播歌,但出到去又唔見有人排隊等去廁所,嗰吓係有啲驚驚地,但之後亦再冇其他怪事發生。」

 

 

同場加映:【衝出嚟玩】最新影片

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓