嘔心!餐廳肉餅飯碟底滿佈恐怖黑漬 網民:唔食都唔知身體好

文: 溫藹紅
2024.01.26

出外用餐衞生相當重要,但有時候難以避免。最近有市民就於紅磡一間餐廳食咸蛋肉餅飯,豈料食完後才發現盛裝肉餅的不銹鋼碟底,滿佈黑色油漬,讓網民都直呼「嘔心」,更有人打趣道「唔食都唔知身體好」。

近日有網民於中午時段在紅磡一間茶餐廳用餐,表示食咸蛋肉餅飯,豈料「食完見到碟底黑色」。從相中可見,樓主已經將肉餅飯「清乾淨」,然而卻出現恐怖景象,該不銹鋼碟底竟滿佈疑似黑油的污漬,「一躂一躂」幾乎佔滿整隻碟,樓主形容「以為眼花, 撈埋汁見底」,詢問侍應後獲回覆指「碟用耐係咁」。

樓主無奈表示「唔食都吞左, 唯有算」,不過由於餐廳出餐情況惡劣非首次,他再細訴之前光顧時的經歷,指曾叫了一碟支竹牛腩飯,上檯時「得一件牛腩,四件支竹,全部汁舖滿碟飯」,獲侍應回應指「咪有牛腩有支竹」;此前又曾叫凍奶茶少冰,誰料上檯時「冰多過奶茶」,再獲侍應回覆指「加熱水咪得」,都令他感受甚差。

樓主解釋,自己於附近地盤工作,「想方便食完返去瞓陣開工, (餐廳)比其他少人,入去一定有位, 不用等位」,因而多次幫襯。但經過今次後,他直言以為夠飽就算,但以後還是「免了,等位好過」,斥「隻碟黑到用一世」。

貼文引來不少網民留言,並且狠批「恐怖」、「見到都想嘔」,指滿佈黑漬仍予食客使用質疑或會致癌;有其他曾幫襯的網民就表示驚訝,「有次食蒸雞,啲雞係爛哂」、「食一次唔掂就以後唔去啦,你仲去咁多次」。然而都有人覺我,老店出現以上情況不意外,「間中有食又唔覺咁差,只係性價比唔高」。

▼網民留言▼

 

資料及圖片來源:Facebook@黃埔人•紅磡人•土瓜灣人

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓