原來「派」揮春都可以賺大錢？近日有網友上載照片至社交群組，發現有內地女到石塘咀街市發新年財，竟在街市內不斷向檔主「派」揮春，每張揮春要價$20起，讓她感到相當驚訝，不禁直言「好似黑社會咁新年收利是」。帖文一出，即引來大批網民熱議，有人表示是「失傳已久嘅『派財神』」，另外亦有網友笑稱「黑社會派財神生意都夠膽搶？」
有女網友在Facebook群組「西環變幻時」發文，指本周四（25日）有一名內地女在石塘咀街市裡向檔主「派」揮春賺大錢。她憶述當時情況，「呢（位）著到靚一靚嘅內地專才攞住一疊揮春，由石塘咀街市一樓逐個檔口（派）揮春」。期間有街市檔主以為是免費領取，於是順手拿了一張，沒想到對方竟要求給予「$20起嘅利是」，檔主聽到後便馬上把揮春還給內地女，「起初啲檔主唔知接咗，跟住佢一攞錢就俾返佢鬧佢囉，我有叫佢哋報警㗎幫佢報警啦」。
當日樓主在石塘咀街市一樓已經開始尾隨對方，「跟到佢上2樓，佢見我影佢相就冇行埋去海鮮檔嗰邊」。樓主形容內地女行為 「勁過香港黑社會」，又指對方全程「派」揮春面帶笑容、扮無知的樣子，讓她不禁直言「佢唔係行乞，係好似黑社會咁新年收利是」。
不少網民看後都認為跟新年傳統習俗「派財神」非常相似，紛紛留言追問「接財神？」、「失傳已久嘅『派財神』又返來呀？」、「原來而家唔興派財神？興派揮春」，當中更有網友笑稱內地人不知好歹，竟然連黑社會生意都夠膽搶。
但亦有網民認為歪風不能助長，直言「嘩，又有騙徒」、「俾得一個，隨時每個鐘都一個嚟」，並建議樓主以及街市檔主應該報警處理，「黑社會收佗地咁款，報警啦」、「通知埋食環啦」、「去稅局，佢一定冇交稅」、「佢勁D，唔洗捧住盤桔周圍走，揮春成本低又輕便，遇差佬隨時收得埋張紙快閃」。
來源：FB@西環變幻時
【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
