最近有港女在討論區上發文抱怨，指男友原本已答應一起去吃蛋包飯，但對方最後竟因價錢太貴而多次拒絕她，「佢話貴不想食，我話我請，我想去食。佢堅持話，唔值呢個價，叫我畀一個強力理由佢」，隨後二人更因此大吵一場，讓她不禁在網上發文大呻「個重點唔係蛋包飯，我覺得我冇俾你重視」。帖文引發網友熱論，留言正反兩極，即入內文睇睇啦！
日前（28日）於Dcard討論區上，有港女以「只係想食蛋包飯，有冇咁難」為題發文，大呻自己從一頓晚餐中看到男友完全不尊重自己。她在文中提到近期很想吃蛋包飯，於是當日便跟男友提議晚餐一起去吃，當時對方一口答應，並詢問蛋包飯的價錢，但樓主心知男友會嫌貴，於是她並未有多說。
直到夜晚時，男友再次詢問蛋包飯的價錢，而樓主認為是可接受價格範圍，於是便直接回答每份$108，並表示該餐由她請客。但男友聽到後即表示價錢太貴不想食，「佢堅持話，唔值呢個價，叫我俾一個強力理由佢，我話個理由係我想食。」樓主對此感到非常無奈，她直言「我請，我想食，你唔使畀錢只係陪下我，108甚至只係落茶餐廳食個晚市嘅價錢，主要係我想食好耐」，但對方卻一直用貴、「唔值呢個價」作為籍口，最後二人更因此大吵一場，而樓主也懶得和他再爭論下去，於是改口表示不吃了。
這時候男友才意識樓主生氣，連忙表示可以去食，而樓主僅僅表示「冇mood去啦」，卻被男友斥責她小小事就發脾氣，「佢話，要去食蛋包飯嘅人係你，咁我依家話去食啦，話唔去食嘅人又係你，你唔覺得你有問題咩？點解要將件事往大嘅講？」但樓主則認為自已開開心心地叫男友陪食飯，卻不斷被對方在潑冷水，而且對自己更是完全不尊重，「個重點唔係蛋包飯，我覺得我冇畀你重視，我發脾氣先求到你同我去食，你話我將件事扯太大。係我問題。但係我只係要有被重視嘅感覺，都係我錯？」
帖文一出，隨即在網上引起熱議，網友反應兩極，不少人認為男友明明答應樓主，卻因價錢而反口，絲毫不顧及樓主的感受，「又話請又嫌貴，到女朋友不爽，就pua人」、「出街食飯108都話貴？」、「請埋都仲唔肯去，要人發脾氣先喺度話去，仲話返你轉頭，你慘過乞兒」，當中更有網友分析男友在今次事件中的5大錯處，直指他為人小氣又愛面子，而且說話不算話，最重要的是雙方價值觀不同，紛紛勸樓主及早分手。
不過也有網友同意樓主男友說法，認為一份蛋包飯竟要價$108，價錢實在太貴，又在留言中感嘆道：「香港做男人真係慘，有時覺得唔值就係唔值，唔關有冇人請嘅事，都唔想身邊人比咁貴會肉赤」。
來源：photoAC、Dcard
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
