隨著中港通關、經濟民生活動復常，近日就連「洗腦式講座」都捲土重來？本周一（29日）有網友在Facebook群組「西環變幻時」發文，稱在堅尼地城爹核士街附近發現一間店舖，經常有公公婆婆入去聽講座，由於店舖看起來「古古怪怪」，不明所以的他只好在網上發文求問「係正當嗎？」
從事主上傳的照片見到，該店舖名為日文名稱，並在名稱上方寫上「自然&発酵食品のお店」，門外玻璃門及外牆均貼上貼紙，從外難以看到內部情況，而門後則有一幅掛簾遮擋內部情況，掛簾上印有「Happy Shop」的字眼。事主表示「總係覺得（店舖）古古怪怪，之前開過喺上環」，現在又把店面搬來堅尼地城，他還發現有不少公公婆婆入去聽講座，故網上發文提醒大家要多加留意，「大家留意吓，提醒老人家唔好亂聽講座」。
帖文一出即在網上引起討論，不少網民感謝樓主提醒，紛紛留言指「無古怪，就吾會遮曬！」、「係光明正大就唔洗貼哂嘢，唔見得光咁，仲要全部都係得老人家」，有網民推測是「誘騙」、「傳銷」，並建議大家要「睇住老人家，多關心，唔好貪小便宜」。
另外也有網民一眼認出店舖，直指這些「日文名稱」店舖在香港出現多年，又名「Happy Shop」、「保健公司」，主要是用小禮物吸引老人家參加「洗腦式講座」，從而推銷貴價商品，「呢間野周圍輪流開，首先俾d甜頭公公婆婆，跟著就慢慢劏佢地」、「出名呃老人家」、「咁嘅日本字店舖，十八區區區有，真係老人之福」、「氹你買啲超貴又冇用嘅嘢」、「派幾蚊禮物呃幾千至幾十萬」。
來源：FB@西環變幻時
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
