而家要打機，手機都有大把手遊，但回想90年代初，Game Boy嘅出現，令大家可以出街隨時隨地打機兼換遊戲卡，真係一大革命，仲令到唔少人為咗識睇攻略而走去學日文。喺facebook 「舊相重溫 Old photos revisit」群組，有網民貼出一張Game Boy連遊戲卡嘅相，問大家「玩過揮揮手」，結果各界機迷都蜂擁而上舉手，有人話而家都仲玩緊！亦有人話玩得嘅，其實而家都四、五十歲喇！咁究竟邊款遊戲係大家至愛？另一方面，原來好多忠心粉絲而家都仲玩緊，咁先可以翻新部Game Boy？
============
同場加映：
【家居達人】舊衣架「重生」8種用途 鞋架、廁紙架、收納眼鏡
============
Game Boy相一出，即刻出現一條時光隧道！有心水清網民表示：「50以上一定玩過，除非佢係書蟲」、「40以上都玩過啦」、「個個都50、60，哈哈」、「34 年前嘅產品，當年升中嘅學生玩物」，但有人就話「玩過都唔認啦」！
網民都話有得四、五十歲以上嘅香港人，應該都玩過Game Boy。
然後大家嘅打機回憶返晒嚟！Game Boy咁多款game，邊隻係大家至愛呢？「我全部玩過晒，不過，《F-1 Race》 係我嘅最愛」、「細個成日都玩孖寶兄弟，寵物小精靈等」、「鍾意玩方塊同Mario」、
「鐵甲威龍好玩，以前我跟戲情射人質條裙game over」、「那隻Solar striker是我的第一隻Game Boy遊戲……三十幾年啦！」、「左上個隻孖寶感覺有gameboy都有買」、「忍者龜好玩」、「隻龜爆唔到機」、「有一排長插忍者龜」、「玩到10萬分後會有部直升機來迎接，然後太快就game over」、「有玩過 ~ 果時最中意玩幽遊白書、武術大會同魔界編」。大家日打夜打，最後有乜後果呢？有人話「打到近視」、「斜視」，但可能最真實嘅係「打到比亞媽打」！
其中一個有趣嘅留言，係「不得不講，以前game 盒封面真係比game內容吸引」，不過當年市面亦有唔少盜版遊戲帶出售。
延長Game Boy壽命 喺淘寶可以買個LED Mon更換
但千祈唔好以為Game Boy只屬過去式，原來好多機迷都有保存：「經典 Game Boy 我仲保留住，當年售價六佰幾」、「仲keep住幾部同大量盒帶」，而且唔少機迷仲有玩緊：「近排都因為俄羅斯方塊再玩返」、「仲玩緊，不過我嗰部個螢幕已經壞咗，所以換咗LED」、「宜家仲有玩，首選 Super Mario」， 引來網民查詢：「你部機仲玩得？」，網友回覆「著到機，不過狀態已經大不如前」，跟住又引來網友討論點樣可以延長手上Game Boy嘅壽命：「我記得買嘅時候係九一年啱啱升中一，老竇喺黃金買嘅，前年因為螢幕已經淡到睇唔到，所以喺淘寶買咗個LED Mon，換咗之後超正，換埋個機殼」、「其實唔難搵，你喺淘寶打Gameboy， LED就會搵得到，亦都唔難換，亦都因為呢個原因，我另外買多兩部game boy Color，買埋一條四打線同屋企人玩」、「可以攞落去黃金搵師傅整」、「search GAMEBOY IPS高亮屏、点对点显示 ，可以轉唔同背光色，因為係點對點，唔係有模擬器個種朦朦地既感覺。 約$300 ，gameboy color d 色更靚。 個顯示器又大左。依家買返正版帶都唔貴，老反更平」、「自己攪真係唔難，順便幫34年既遊戲機清潔一下換攞埋殼同新既一樣，可能舊野耐用，我部機同34年前完全無分別，老婆成日玩」。
原來而家仲有唔少機迷繼續玩Game Boy，有網民試過喺淘寶可以買個LED Mon更換，亦有網民話去有賣game賣嘅商場，有機會仲可以搵到維修呢類遊戲機嘅店舖。
text/joyce
photo/HKET圖片庫、網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
