雖然今年同明年都唔係鼠年，不過似乎香港好多地方，依然成日出現鼠踪……臨近歲晚，食物環境衞生署署長楊碧筠表示流動捉鼠隊，會由31隊增加至60多隊，更會「晚晚捉老鼠」！而食環署去年全年共捕獲63,000隻活鼠，稍後仲會公布最新嘅鼠患參考指數呀，實行加大力度滅鼠。
============
同場加映：
【家居達人】滅蝨專家教路！拆解全港床蝨危機 淘寶暗藏蝨？入酒店前必做步驟、回港後處理方法
============
食物環境衞生署署長楊碧筠表示，以往捉老鼠，都係日間喺街上放鼠籠，成效唔太大，之後考慮到老鼠其實喺晚間更活躍，於是推出19隊「夜間防治鼠患流動隊」，成效唔錯，去年底署方已加至31隊流動隊，到目前臨近歲晚，短期內增加至60多隊，實行「晚晚捉老鼠」。稍後更將公布新鼠患參考指數，評估各區「無鼠百分比」嘅計算方法。
食環署署長楊碧筠表示臨近歲晚，夜間防治鼠患流動隊短期內增加至60多隊，實行「晚晚捉老鼠」。
楊碧筠表示指出食環署今年全面引入熱能探測攝錄機，配合人工智能技術監察鼠蹤，上月開始已喺中西區、灣仔及東區試行，預料最快3月有數據，半年內會於全港各區實行。食環署去年全年共捕獲63,000隻活鼠，較前年增加約40%，並已消除70個鼠患黑點，高於2022年施政報告嘅工作標準。另外，超過90%嘅衞生黑點已顯著改善，60%鼠患黑點已消除。楊碧筠亦提到食環署主責嘅244個衞生黑點中，當中逾90%已顯著改善，至於餘下逾20個黑點，由於部分涉及露宿者，故較為複雜，難以整治，需要多個部門才能處理，署方需有支援才能更好處理。
食環署今年全面引入熱能探測攝錄機，配合人工智能技術監察鼠蹤，上月開始已喺中西區、灣仔及東區試行，半年內會於全港各區實行。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
