近期睇新聞，不斷有啲「估你唔到」嘅意外事件，好似2月3日就發生咗一單一名70歲女子，喺家中使用氣體煮食爐後失去知覺！懷疑係一氧化碳中毒失去知覺！而經機電工程署檢查後發現，原來「出事」嘅煮食爐嘅兩個爐頭上，均加裝咗通常稱為「節能環」嘅非原廠配件，而呢種「節能環」，原來機電工程署早喺去年9月5 日，已經公開呼籲過市民停用！究竟「節能環」係乜東東？點解咁危險？
============
同場加映：
【家居達人】滅蝨專家教路！拆解全港床蝨危機 淘寶暗藏蝨？入酒店前必做步驟、回港後處理方法
============
今次個案係由屯門醫院向衞生署衞生防護中心通報，一名70歲女子，2月3日喺家中使用氣體煮食爐後失去知覺，被送往屯門醫院，其後轉送東區尤德夫人那打素醫院接受治療，該名病人現時情況穩定，並已出院。
而經過機電工程署檢查後發現，涉事氣體煮食爐為已獲氣體安全監督批准嘅型號，操作正常；惟事發時，該煮食爐嘅兩個爐頭上，均加裝咗通常稱為「節能環」嘅非原廠的配件，再加上室內通風不足，令當時室內一氧化碳水平上升引致意外。機電署及海關收到相關資料後，隨即於全港多區店鋪進行巡查，並未發現「節能環」嘅市面上出售。
事件發生後，機電署及海關隨即於全港多區店鋪進行巡查，並未發現「節能環」嘅市面上出售。
其實原來早在去年9月5日，機電工程署聯同香港海關已經發過新聞公告，指機電署較早前接獲衞生署通報兩宗涉及使用氣體煮食爐嘅一氧化碳中毒個案，呼籲市民停用氣體煮食爐嘅「節能環」，以免發生一氧化碳中毒意外。而呢款被稱為「節能環」嘅非原廠配件，聲稱具節能效果，機電署將涉事嘅「節能環」交由實驗所進行測試，發現當煮食爐使用「節能環」時，排出嘅一氧化碳明顯增加，大幅超出「住宅式氣體用具基本安全評估」嘅安全標準上限，亦無聲稱嘅節能效果！
機電署公布嘅其中一個節能環款式。
節能環係乜東東？
根據2008年8月出版嘅第382期選擇月刊，當時一段題為「煮食用『節能環』噴有毒一氧化碳！」嘅文章內介紹：「近期有報章介紹一種稱為『節能環』的產品，外形是金屬絲織成的圓網，供應商聲稱只要放在氣體煮食爐的爐架下使用，便可提升煮食爐的燃燒效率，節省約三成燃料費。機電工程署隨即進行測試，結果發現使用『節能環』會排出過量的有毒一氧化碳氣體，容易導致窒息，對用戶構成嚴重危險，應馬上停用。如市民在本港市面發現有『節能環』或類似產品出售，可與香港海關、機電工程署或本會聯絡，以便跟進。」
若果喺網上搜尋「燃氣節能環」，會喺淘寶網搵到呢啲產品。
曝露於低濃度一氧化碳嘅人士，可能出現頭暈、頭痛、疲倦和噁心等症狀；而曝露於高濃度一氧化碳嘅人士，甚至可能出現視覺受損、協調紊亂、失去知覺和腦部受損等症狀，甚至死亡。市民如懷疑出現一氧化碳中毒症狀，應立即求醫。
海關表示，根據《消費品安全條例》，任何人不得供應、製造或進口消費品，除非該等消費品符合該條例的一般安全規定，否則即屬違法。違例者首次定罪最高可被罰款十萬元及監禁一年，而其後各次定罪最高可被罰款五十萬元及監禁兩年。市民如發現有關「節能環」的資料，可透過海關二十四小時熱線2545 6182、電郵（crimereport@customs.gov.hk）或網上表格（eform.cefs.gov.hk/form/ced002/）作出舉報。
【INFO】
機電工程署
網址：https://www.emsd.gov.hk/tc/gas_safety/gas_safety_tips_to_users/safe_use_proper_use_and_maintenance/domestic_gas_cooking_appliances/index.html
text/joyce
photo/HKET圖片庫、政府新聞處
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
