前排床蝨肆虐多國，一張香港機鐵出現床蝨嘅相搞到大家人心惶惶，唔好以為無人講就等於無晒，其實床蝨問題仍然十分常見。特別新春期間唔少人都會趁住長假期旅行，所以今集家居達人請嚟滅蟲專家 Gary 為大家解答一系列床蝨相關問題以及坊間謠言，仲會教大家外遊前中後期應該點預防同處理床蝨上身，新年外遊時記得做足準備啊！
============
同場加映：
【家居達人】滅蝨專家教路！拆解全港床蝨危機 淘寶暗藏蝨？入酒店前必做步驟、回港後處理方法
============
Q1︰包裹會惹來床蝨嗎？
答︰有個案係會有，其實都唔少。除咗床蝨，仲有例如卜泥、書蝨等不同種類嘅昆蟲經淘寶過嚟。收到包裹後唔好即刻擺地下，最好搵報紙墊住先，開嘅時候慢慢睇清楚入面有冇蟲或蝨。想安心啲嘅話可以搵消毒噴霧噴吓，一嚟可滅細菌，二嚟驚有其他害蟲。消毒後再開，如果無嘢就可以連包裝同報紙一次過扔咗去喇！
Q2︰外遊時如何預防床蝨？
答︰1. 行李唔好擺地下︰入房後唔好即刻打開行李，建議用少少時間睇一睇間房。2. 檢查房間有無床蝨︰可照一照床邊或地氈底有無一隻隻好似蘋果核嘅蝨躝過，另外仲要檢查有無黑色一點點喺床邊或牆邊。如果有的話最好通知酒店換房。3. 行李放行李架︰檢查完無蝨後就可將行李放上架，因為床蝨習慣喺地下及床邊走動。做齊呢啲嘢其實就會減少床蝨爬上行李或寄居於行李內的機會。
Q3︰回港後如何預防床蝨入屋？
答︰入屋前先檢查自己行李，唔好一返嚟就即刻打開個喼。由於床蝨多數會從喼側邊或貼住地下嘅暗位爬入去，所以最大機會躲藏喺條拉鏈隙同碌位。建議先用消毒酒精噴一噴，再用電筒照吓有無嘢爬出嚟，順便消毒。
Q4︰床蝨會唔會跟人？
答︰由於床蝨一般只會匿埋喺一個位置，所以最大可能都只係跟喺行李喼度，人嘅身就未必會喇，特別係長途機，好大可能已經爬咗去第二度。建議旅行回程時將衣物搵個密實袋入好，回港後整袋直接以高溫清洗乾淨。
Q5︰應如何預防家居出現床蝨？
答︰最緊要保持乾淨乾爽及多吸塵！因床蝨主要匿埋喺啲窿窿罅罅，應不時清潔床邊和地腳線，仲可以防埋其他害蟲㖭。另建議晴天有太陽時定期清洗床單床笠以及曬被鋪，一個月換 1- 2 次床單。
【INFO】
撲滅牠滅蟲有限公司
地址︰香港葵涌大連排道35-41號金基工業大廈17字樓A座
電話︰9821 8022
Facebook︰撲滅牠滅蟲有限公司 Pestokill Pest Specialist Ltd.
網址︰pestokill.com.hk
Text/Yuen
Photo/Kent
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
