港男慨嘆月入4萬生活質素差!4方面總結拎綜援好過打工

文: 梁穎心
2024.02.12

有網民比較領取政府綜援及月入4萬的打工仔生活質素,並指領綜援在衣食住行方面均勝過上班。網友意見兩極,認同的人指「睇公屋停車場幾多靚車」、「訓到自然醒,如果識諗做下運動,仲長命過你。」不同意的留言則表示「有手有腳領綜援,點面對其他人」、「唔返工好易抑鬱。」

早前有網民在香港討論區以「原來月入40k 生活質素同囉綜援差唔多」為題發文,從衣食住行4方面比較月入4萬及領取綜援的分別,最後更得出總結,領政府綜援勝過打工。以居住為例,樓主指月入4萬若選擇供樓會有經濟壓力。租樓或供樓每月支出約1.5萬-2萬,幾乎佔人工一半,反觀綜援戶就沒甚麼租金壓力。

帖文引來兩派網民留言,有人更以自身經歷作比較,該網民指自己在失業時期要與家人擠在300呎公屋單位,起居作息都會被家人指指點點,飲食方面則一日一餐,大多惠顧平價凍肉店和食公仔麵。由於沒收入,在穿著上亦要慳,「幾年唔買一次衫褲鞋襪,霉爛都照著」。可能因為公屋位處偏遠,網民指自己交通方面,「日日搭來回要兩個鐘,巴士 + 地鐵」。

反觀有工開的時間,即使月入2萬仍可自己租個500呎單位,一日三餐,食快餐店豐儉由人。衣著方面,「每季都買下衫褲喇,至少都無印 Uniq 啦」;至於交通方面,網民特意租鄰近公司的單位,行路返工省時間和開支。到了月入3萬的時候,網民稱自己買居屋上車,退休後有安居之所,多了閒錢還可以買遊戲機娛樂一番。網民表示:「唔洗 40K 嘅,30K,甚至 20K 都已經好唔同。」

認為領綜援生活質素較好的網民直言:「綜援基本上住同食都唔駛錢,訓到自然醒,如果識諗做下運動,仲長命過你」、「有公屋就贏半個人生,有埋綜援就贏八成人生」、「睇公屋停車場幾多靚車」、「遇著加息週期,按揭供款不斷上升,但人工又冇得加又或者只加少少。」

亦有網民補充,不少領綜援人士會打日薪現金結算的散工,經濟壓力細但又有一份收入,「佢哋去旅行多過你」。又有人指領綜援無需儲錢,又不用擔心公屋加租要搬,「結論:懲罰勤力工作既人」

另一派的網民則認為「有手有腳唔做嘢咩」,除了單以物質層面比較,精神健康上亦是他們的考量,「唔返工好易變廢,變抑鬱」、「住嘅地方同鄰居質素巳好唔同啦」。亦有人反擊:「其實坐輪椅快過行路, 尤其是而家既電動輪椅.....你幾時打跛自己對腳? 仲可以攞埋傷殘津貼。」

部分網民批評公屋制度出問題,「香港公屋政策:懲罰沒有公屋人士」、「支持政府減綜援」、「不乖的小朋友就有糖吃的道理。」

來源:香港討論區、愛回家劇照

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓