發展局公布，由香港房屋協會（房協）興建嘅元朗及粉嶺首兩個專用安置屋邨項目，將於今年第四季起陸續落成和入伙，房協將先推售元朗嘅資助出售單位「樂翹軒I」，售價為市值六二折，並於即日起通知有關住戶可申請認購。究竟乜嘢係「安置屋邨」？點先合資格購買？
專用安置屋邨原來係為受政府發展清拆影響嘅住戶而設嘅安置選項，符合相關資格嘅住戶，可免經濟狀況審查，入住當中嘅資助出售或資助出租單位。
今次由房協興建嘅元朗洪水橋／厦村（第一期）及粉嶺百和路嘅首兩個專用安置屋邨項目，將於今年第四季起陸續落成和入伙，為受政府於新界發展清拆影響嘅合資格住戶提供安置，兩個項目合共提供996個資助出售單位，及885個資助出租單位。房協將先推售元朗洪水橋／厦村（第一期）項目嘅資助出售單位「樂翹軒I」，並於即日起通知有關住戶可申請認購。
房協將先推售位於元朗洪水橋嘅資助出售單位「樂翹軒I」，並於即日起通知有關住戶可申請認購，預計於今年第四季起陸續落成和入伙。
「樂翹軒I」有約300伙，戶型分1房、2房及3房1套，實用面積由367至622平方呎，售價為市值六二折，介乎221.9萬至458.9萬元。「樂翹軒I」將於2月15日至3月6日接受申請認購，預計今年第四季起入伙。
樂翹軒I鄰近購物地點有洪水橋大街及洪福商場，可搭公共交通工具為洪水橋輕鐵站轉車往其他地方。（Source：樂翹軒I官網）
屋苑有會所，提供如兒童遊樂室、健身室及休憩庭園。（Source：樂翹軒I官網）
屋苑內提供25個一房開放式廚房間隔單位，實用面積367平方呎。（Source：樂翹軒I官網）
2房單位有兩款間隔，呢款為開放式廚房，實用面積由438至459平方呎，共有125伙。（Source：樂翹軒I官網）
呢款為2 房密閉式廚房間隔，實用面積由459至498平方呎，共有125伙。 （Source：樂翹軒I官網）
呢款為面積最大嘅3 房（其中主人房為套房）單位，面積622平方呎，共有25伙。（Source：樂翹軒I官網）
至於位於粉嶺百和路72號嘅資助出售單位，房協計劃今年第二季推售、明年第一季起入伙，單位約696伙，實用面積305至686平方呎，售價有待公布。兩個項目嘅資助出租單位將於今年第四季開始編配，房協與地政總署屆時會再發信通知相關住戶考慮作出申請。除咗上述兩個項目，房協亦同時興建新界其他專用安置屋邨項目，包括元朗洪水橋／厦村各期、粉嶺百和路及古洞北第24區，合共可提供約6700個單位，包括約2300個資助出租單位及約4,400個資助出售單位，以應付發展清拆項目嘅住戶安置需要。
【INFO】
樂翹軒I
網址：https://eminenceterrace1.hkhs.com/
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
